“Riot Games” şirkəti özünün yeni faytinq (fighting) oyunu olan 2XKO üçün 2026-cı ilin tam kibersport yol xəritəsini təqdim edib.
2XKO Competitive Series çərçivəsində 5 böyük turnir (Major events) və 15 “Challenger” seriyalı turnir keçiriləcək. Bütün tədbirlər “Riot” tərəfindən sponsorluq edilir və icma təşkilatçıları ilə tərəfdaşlıq şəraitində keçirilir.
“Major” turnirlərin cədvəli:
Frosty Faustings XVIII: İlin ilk böyük turniri. 29 yanvar – 1 fevral tarixlərində ABŞ-ın İllinoys ştatında baş tutacaq. Mükafat fondu 50 000 $ təşkil edəcək.
EVO Japan: 1–3 may (EVO seriyasının ilk dayanacağı).
EVO Vegas: İyunun sonu.
EVO France: Oktyabrın ortaları.
Battle Coliseum: 20–22 noyabr tarixlərində Braziliyanın San-Paulu şəhərində keçiriləcək.
“Challenger” seriyalı turnirlər isə “Major” yarışlar arasındakı fasilələrdə təşkil olunacaq. Seriyanın ilk turniri San-Xosedə (Kaliforniya, ABŞ) keçiriləcək Genesis X3 (GX3), növbətisi isə martın sonunda baş tutacaq Texas Showdown-dır. Digər təsdiqlənmiş məkanlar sırasına Avstriya, Avstraliya, Fransa, Böyük Britaniya, Kanada və Puerto-Riko daxildir.
Nigar Məmmədova — az-esports.com kibersport xəbər saytının jurnalisti və redaktorudur. Videooyunlar, turnirlər və kibersport sənayesi ilə bağlı xəbərlərə ixtisaslaşıb, həm Azərbaycanda, həm də beynəlxalq səviyyədə. Geymer mədəniyyəti və müasir rəqəmsal trendlərlə maraqlanır. Kibersportun yeni nəsillərin gələcəyi olduğuna inanır.
