BLAST Bounty Season 1-in dörddəbir final mərhələsində Team Falcons komandası, baş məşqçisinin yoxluğuna və “stand-in” ilə oynamasına baxmayaraq, Team Liquid-i 2:0 hesabı ilə (Nuke xəritəsində 16-14, Dust2-də isə 13-8) məğlub etməyi bacarıb. Bu qarşılaşmada m0NESY 50 öldürmə (kill) və 1.61 reytinq göstəricisi ilə matçın ən yaxşı oyunçusu olub.
FURIA komandası da gərgin keçən seriyada HEROIC-i 2:1 hesabı ilə üstələyərək növbəti mərhələyə keçib. Braziliyalılar Mirage xəritəsini (3:13) uduzsalar da, Dust2 (13:2) və Nuke (13:9) xəritələrində dominantlıq edərək qələbəni təmin ediblər. molodoy 47 öldürmə və 1.62 reytinqlə komandasına böyük üstünlük qazandırıb.
İndi hər iki komanda — Falcons və FURIA — yarımfinala hazırlaşır.
Nigar Məmmədova — az-esports.com kibersport xəbər saytının jurnalisti və redaktorudur. Videooyunlar, turnirlər və kibersport sənayesi ilə bağlı xəbərlərə ixtisaslaşıb, həm Azərbaycanda, həm də beynəlxalq səviyyədə. Geymer mədəniyyəti və müasir rəqəmsal trendlərlə maraqlanır. Kibersportun yeni nəsillərin gələcəyi olduğuna inanır.
