CS2 üzrə “BLAST Open Porto 2026” turnirinin qrup mərhələsi başa çatıb və bununla da Portuqaliyadakı “Super Bock Arena”da kubok uğrunda mübarizəni davam etdirəcək altı komanda müəyyənləşib.
“Spirit” və “MOUZ” komandaları müvafiq olaraq “FURIA” və “Falcons”a yuxarı torun finallarında qalib gələrək birbaşa yarımfinala vəsiqə qazanıblar. “Vitality” və “G2” isə aşağı toru keçərək dörddəbir final mərhələsində son yerləri təmin ediblər.
Dörddəbir final cütlükləri və gözlənilən intriqa
Pley-offun ilk qarşıdurması Nikola “NiKo” Kovaç və Nemanja “huNter-” Kovaç qardaşları arasındakı duel olacaq — “G2” “IEM Cologne Major”un üçüncü mərhələsinin start matçındakı məğlubiyyətə görə “Falcons”dan qisas almağa çalışacaq. Digər dörddəbir final cütlüyündə isə “FURIA” “IEM Rio” turnirindən bəri ilk dəfə “Vitality” ilə üz-üzə gələcək.
Əgər “Falcons” “G2″ni üstələyə bilsə, azarkeşləri Kölün Meycorunun yarımfinalının təkrarı gözləyəcək, çünki qrup mərhələsindəki məğlubiyyət ucbatından “şahinlər” “Spirit” ilə torun eyni tərəfinə düşüblər.
“BLAST Open Porto 2026” pley-off matçlarının təqvimi
Dörddəbir finallar (4 sentyabr, cümə):
- Falcons vs G2
- FURIA vs Vitality
Yarımfinallar (5 sentyabr, şənbə):
- Spirit vs Falcons / G2 cütünün qalibi
- MOUZ vs FURIA / Vitality cütünün qalibi
