Braziliyanın “Legacy” komandasının oyunçusu Bruno “latto” Rebelatto Çinin Suçjou şəhərində yekunlaşan CS2 üzrə “FISSURE Playground 3” turnirinin ən dəyərli oyunçusu (MVP) mükafatını qazanıb.
23 yaşlı rifler “G2”yə qarşı keçirilən və “Legacy”nin 3:0 hesablı qələbəsi ilə başa çatan böyük finalda inanılmaz oyun nümayiş etdirib. Latto həlledici seriyanı 1.67 fərdi reytinqlə tamamlayaraq digər namizədləri — komanda yoldaşı Vinisius “n1ssim” Pereyra və “G2” oyunçusu Qay “NertZ” İluzu geridə qoyub.
Pley-offdakı üstünlük və Çindəki uğur seriyası
Latto xüsusilə pley-off mərhələsini çox güclü keçirib. “MIBR”a qarşı yarımfinalı da nəzərə alsaq, onun pley-offdakı orta reytinqi 1.45 təşkil edib (müqayisə üçün, ən yaxın izləyicisi “n1ssim”də bu göstərici 1.25 olub). Ümumilikdə bütün turnir ərzində Rebelattonun göstəricisi 1.31 həddində dayanıb ki, bu da Anarbileq “cobrazera” Uuqanbayardan sonra tədbirin ikinci ən yaxşı nəticəsidir.
Bu, latto-nun karyerasında 3-cü MVP medalıdır. Maraqlıdır ki, braziliyalı hər üç mükafatı bir ildən az müddətdə Çinə etdiyi üç səfər zamanı qazanıb — bundan əvvəlki uğurlar “Legacy”nin 2025 və 2026-cı illərdə keçirilən “CS Asia Championships” turnirlərindəki qələbələrinə təsadüf edir.
