Activision elan edib ki, Call of Duty: Black Ops 6 müvəqqəti olaraq pulsuz rejimdə təqdim olunacaq. 9–16 oktyabr tarixləri arasında hər kəs oyunu ödənişsiz sınaqdan keçirə biləcək. Bu müddət ərzində bütün rejimlər – hekayə kampaniyası, multiplayer və zombi rejimi – tam şəkildə əlçatan olacaq.
Pulsuz həftə Black Ops 6 və Warzone-un 6-cı mövsümünün çıxışı ilə üst-üstə düşür. Yenilənmə ilə birlikdə oyuna yeni xəritələr, rejimlər, silahlar və ənənəvi Halloween tədbiri – The Haunting əlavə olunacaq. Tədbir zamanı oyunçuları tematik skinlər və xüsusi tapşırıqlar gözləyir.
Activision bu cür kampaniyaları yeni oyunçuları cəlb etmək üçün tez-tez keçirir. Lakin bu dəfə vəziyyət daha simvolikdir — çünki aksiya 10 oktyabrda çıxacaq Battlefield 6 ilə eyni dövrə təsadüf edir.
Françayzın pərəstişkarları artıq davamı üçün də həyəcanla gözləyirlər — Call of Duty: Black Ops 7 14 noyabrda çıxacaq.
