Ukraynanın B8 Esports komandası Polşada keçirilən IEM Krakow 2026 turnirinin Play-In mərhələsindəki ilk oyununda “NRG Esports” kollektivi ilə qarşılaşıb. Gərgin keçən mübarizə B8-in 1:2 hesablı məğlubiyyəti ilə başa çatıb.
Qarşılaşma Dust2 xəritəsində B8-in 13:4 hesablı mütləq üstünlüyü ilə başlasa da, rəqib Mirage (13:2) və Inferno (13:11) xəritələrində qələbə qazanaraq matçın taleyini öz xeyrinə dəyişib.
Matçın əsas statistik göstəriciləri:
NRG-nin oyunçusu oSee 54-35 K-D və 1.54 reytinqlə matçın ən yaxşı siması olub.
B8 heyətində esenthial (1.21 reytinq) və npl (1.21 reytinq, 100 ADR) ən yüksək performans göstərən oyunçular olublar.
“NRG Esports” bu qələbə sayəsində növbəti mərhələyə yüksəlib və 30 yanvar tarixində Astralis ilə qarşılaşacaq.
Məğlub olan “B8 Esports” isə aşağı səbətə düşüb və növbəti oyunda paiN Gaming ilə üz-üzə gələcək.
IEM Krakow 2026 turniri 8 fevral tarixinədək davam edəcək və komandalar 1 milyon dollar həcmindəki rekord mükafat fondu üçün mübarizə aparacaqlar.
Nigar Məmmədova — az-esports.com kibersport xəbər saytının jurnalisti və redaktorudur. Videooyunlar, turnirlər və kibersport sənayesi ilə bağlı xəbərlərə ixtisaslaşıb, həm Azərbaycanda, həm də beynəlxalq səviyyədə. Geymer mədəniyyəti və müasir rəqəmsal trendlərlə maraqlanır. Kibersportun yeni nəsillərin gələcəyi olduğuna inanır.
