Kibersport dünyasında böyük səs-küy doğuran keçid baş tutub. BCGame təşkilatı “Natus Vincere”dən (NAVI) ulduz snayper Aleksandr s1mple Kostılevi heyətinə qatmaq üçün 500 min dollar ödəyib.
Məlumata görə, ukraynalı oyunçu ilə müqavilə 2025-ci ilin sonuna qədər qüvvədədir. Klub həm s1mple-in oyun formasını, həm də onun komandanın marketinq gücünə təsirini qiymətləndirmək niyyətindədir.
Uğurlu start və yüksək göstəricilər
s1mple iyul 2025-də BCGame heyətinə qoşulduqdan sonra artıq 43 xəritədə iştirak edib. HLTV.org-un statistikasına əsasən, oyunçunun orta reytinqi 1,31 təşkil edir ki, bu da hələ də onun dünya səviyyəli performansını qoruduğunu göstərir.
Mənbələr bildirirlər ki, əgər bu göstəricilər sabit qalarsa, müqavilənin müddəti bitdikdən sonra klub yeni razılaşma imzalamağa hazır olacaq.
