Sony 2025-ci ilin aprel ayında PlayStation Plus abunəçiləri üçün təqdim olunacaq pulsuz oyunların siyahısını açıqlayıb. Oyunçuları 1 aprel tarixindən etibarən üç fərqli layihə gözləyir. Onların arasında kult qəhrəman RoboCop-un iştirakı ilə məşhur aksiyon da yer alır.

RoboCop: Rogue City
Detroit küçələrində ədaləti bərpa etmək üçün kiborq polis roluna keçin. Bu aksiyon oyunu “RoboCop 2” və “RoboCop 3” filmləri arasındakı hadisələri əhatə edir. Auto-9 silahı, təkmilləşdirilə bilən bacarıqlar və oyunçunun qərarlarına əsaslanan süjet oyunu daha da maraqlı edir. RoboCop obrazına isə yenidən Piter Veller həyat verir.

The Texas Chain Saw Massacre
1974-cü ilin qorxu filmindən ilhamlanan bu asimmetrik çoxoyunçulu trillerdə ya qurban, ya da amansız Sloater ailəsinin üzvü olacaqsınız. Oyun zamanı gizlənmək, qaçmaq və ya ovlamaq bacarıqları taleyinizi müəyyən edəcək. Qanlı və həyəcanlı qarşıdurma sizi gözləyir.

Digimon Story: Cyber Sleuth – Hacker’s Memory
Bu JRPG oyunda haqsız yerə cinayətdə ittiham edilən qəhrəman, reallıqla rəqəmsal aləm arasında keçid edərək həqiqəti axtarır. 320-dən çox Digimon, inkişaf sistemləri və gərgin döyüşlər sizə öz hekayənizi qurmaq imkanı verir. Oyunçunun verdiyi qərarlar finalın necə nəticələnəcəyinə birbaşa təsir edir.

Koreya istehsalı olan inZOI adlı yeni həyat simulyatoru Steam platformasında satışa çıxan kimi dərhal liderliyə yüksəlib. Oyunun populyarlığı ilk dəqiqələrdən özünü göstərib – eyni vaxtda oyuna qoşulan istifadəçilərin sayı 60 min nəfəri keçib. Hazırda inZOI 87% müsbət rəy toplayaraq istifadəçilərin rəğbətini qazanıb.

Bu həyat simulyatorunda oyunçular öz düşüncələrinə uyğun dünya yaradır, fərqli xarakterlər əsasında münasibətlər qurur və hadisələrin gözlənilməz axarına şahidlik edirlər. inZOI həmçinin Unreal Engine 5 mühərrikində qurulmuş yüksək keyfiyyətli qrafika ilə seçilir. Oyunçular yaşayış məntəqələrini formalaşdıraraq öz hekayələrinə uyğun unikal mühitlər yarada bilirlər.

inZOI oyununun sistem tələbləri

Minimum tələblər:

• 64-bit prosessor və əməliyyat sistemi
• Windows 10/11
• Intel i5 10400 / AMD Ryzen 5 3600
• 12 GB RAM
• NVIDIA RTX 2060 (6 GB VRAM) / AMD RX 5600 XT (6 GB VRAM)
• DirectX 12
• Genişzolaqlı internet bağlantısı
• 40 GB boş yaddaş

Tövsiyə olunan tələblər:

• 64-bit prosessor və əməliyyat sistemi
• Windows 10/11
• Intel i7 12700k / AMD Ryzen 7 7800x3D
• 16 GB RAM
• NVIDIA RTX 3070 (8 GB VRAM) / AMD RX 6800 XT (16 GB VRAM)
• DirectX 12
• Genişzolaqlı internet bağlantısı
• 60 GB boş yaddaş

Növbəti yeniləmə may ayında planlaşdırılır, lakin dəqiq tarix açıqlanmayıb. Gözlənilən yeniliklər sırasında modlaşdırma alətləri və çit-kodlar yer alır.

Əlavə olaraq qeyd edək ki, early access versiyasını əldə edən oyunçular sonradan yayımlanacaq bütün əlavə kontentləri ödənişsiz əldə edəcəklər – lakin bu əlavələrin məzmunu hələlik dəqiqləşməyib.

GSC Game World studiyası S.T.A.L.K.E.R. 2: Heart of Chornobyl üçün yeni 1.3.1 yeniləməsini təqdim edib. Bu patch əsasən süjetin davam etməsinə mane olan səhvlərin və texniki nasazlıqların aradan qaldırılmasına yönəlib.

Əsas süjet və yan tapşırıqlar:

• “Obrazı Absolyutnoy İstiny” tapşırığında Şram personajının yox olması problemi aradan qaldırılıb.
• “Sübhün yeni günü” missiyasında Ştepselin ölümünə görə “Nəzarətçi İşıqverici götürülməsi” mərhələsinin başlanmaması problemi həll olunub.
• “Rübəc” missiyası zamanı Dux ilə dərhal danışıldıqda “Duxu tap” tapşırığının başa çatmaması problemi düzəldilib.
• “Ruhların axtarışı” missiyası avadanlıq aktivləşdirildikdən sonra tamamlanmırdı – düzəldildi.
• “Şramla danış” tapşırığı, “Təmələ aparan yol” missiyası zamanı Şram ölərsə, tamamlanmırdı – problem aradan qaldırılıb.
• “Heç kim kənarda qalmayacaq” missiyası zamanı oyunçunun lifti şaxtasına düşməsi problemi düzəldilib.
• “Sübhün yeni günü” missiyasında Ştepseldən İşıqvericini almamışdan əvvəl “Yeraltı laboratoriyaya daxil ol” tapşırığının başlaması xətası aradan qaldırılıb.
• “İzlərin dalınca” missiyasında Semen Dubnıy NPC-sinin yoxluğu problemi həll olunub.
• “Sonuncu həmlə” missiyası zamanı bəzi oyunçular üçün yeraltı tunelə gedən qapıların bağlı qalması problemi düzəldilib.
• “Qaranlıq zamanlar” missiyası Yarl NPC-sinin ölümünə görə bloklanırdı – bu da düzəldildi.
• “Duga hücumu” missiyasında NPC-lərin post girişini bağlaması problemi aradan qaldırılıb.
• “Zonanın əfsanələri” tapşırığında Ruzvelt ilə dialoqun başlanmaması problemi düzəldilib.
• “Son sadəlik” missiyasında meşəbəyi binasına girişin bağlı olması problemi aradan qaldırılıb.
• “Təmələ aparan yol” missiyasında Monolit NPC-lərinin Pripyatda təhlükəsiz zonaya keçməsi problemi düzəldilib.
• Bəzi döyüşlərdən sonra cəsədlərin yox olması problemi aradan qaldırılıb.

Texniki dəyişikliklər və optimizasiya:

• Vıxoddan sonra NPC-lərin əvvəlki mövqelərinə qayıtmaması problemi həll olunub.
• “Reber” anomaliyasına daxil olarkən səs effektinin hər 10 saniyədən bir təkrarlanması problemi düzəldilib.
• Parametrlərdə dəyişiklik edilsə belə nişangahın sönməməsi problemi aradan qaldırılıb.
• “NTC Malaxit” lokasiyasında konteynerlərdə əşyaların sürüklənməsi zamanı yaranan gecikmə düzəldilib.
• Səsin mövqe üzrə yerləşməsi yaxşılaşdırılıb, artıq oyunçu səsi yalnız bir qulaqcıqdan eşitmir.
• Oyun paneli ilə inventar baxışı zamanı əşya işıqlandırmasının növbəti obyektə keçməməsi problemi həll olunub.
• Onlarla EXCEPTION_ACCESS_VIOLATION və digər səbəblərlə bağlı çöküşlər aradan qaldırılıb.

Epic Games Store platformasında bahar endirimləri rəsmi olaraq start götürüb. Aksiyanın bir hissəsi olaraq minlərlə oyun 75%-dək endirimlə təqdim olunur. Endirimlər həm məşhur AAA layihələrini, həm də unikal indie oyunları əhatə edir.

Seçilmiş oyunlarda təklif olunan endirimlərdən bəziləri:

• Sherlock Holmes The Awakened – 80% endirim
• Sherlock Holmes: Crimes and Punishments – 90% endirim
• Red Dead Redemption – 20% endirim
• S.T.A.L.K.E.R. 2: Heart of Chornobyl – 15% endirim
• Dragon Age: The Veilguard – 50% endirim
• Ghost of Tsushima Director’s Cut – 33% endirim
• EA Sports FC™ 25 Standard Edition – 70% endirim
• Cyberpunk 2077 – 60% endirim
• God of War – 60% endirim
• God of War Ragnarök – 20% endirim
• Creaks – 70% endirim

Bahar kampaniyası 9 aprel tarixinə qədər davam edəcək.