Counter-Strike 2 üzrə Party Astronauts komandası, tamamilə dağıldıqdan sonra daxili problemlərini ictimai şəkildə müzakirə edib.

Komanda üzvləri arasındakı münaqişə baş məşqçi Tommi “Axed” Rayan və oyunçu Kolbi “Walco” Uolşun rəsmi gedişindən sonra baş qaldırıb. Onlar komandanı qeyri-peşəkarlıqda və xüsusilə Castin “FaNg” Koukli-ni eqolu davranışda günahlandırıblar. Rayanın sözlərinə görə, FaNg həddindən artıq özünə güvənir, Walco isə komanda yoldaşından psixoloji təzyiq gördüyünü iddia edib.

Buna cavab olaraq, FaNg bütün günahları “Axed”in üzərinə atıb və ona qarşı irəli sürülən iddiaları təkzib edib.

Komanda sıralamasında Şimali Amerikanın ən güclü beşliyindən biri idi və IEM Dallas 2025-ə vəsiqə uğrunda mübarizə aparmağa hazırlaşırdı. Onlar fevralın 11-də BOSS komandası ilə qarşılaşmalı idilər. Lakin münaqişələr nəticəsində Party Astronauts rəsmi olaraq tamamilə dağılıb və heyət buraxılıb.

Komandanın keçmiş heyəti:

• Ben “ben1337” Smit
• Castin “FaNg” Koukli
• Boqdan “ogwizard” Savula
• Uesli “viz” Harris
• Kolbi “Walco” Uolş
• Baş məşqçi: Tommi “Axed” Rayan

PGL Cluj-Napoca 2025 təşkilatçıları Counter-Strike 2 turniri üçün qrupların püşkatmasını elan edib.

İlk qrup mərhələsi İsveçrə sistemi üzrə keçiriləcək. Komandalar növbəti raunda keçmək üçün üç qələbə qazanmalıdırlar. İlk oyunlar 14 fevral tarixində, Bakı vaxtı ilə saat 12:00-da başlayacaq.

Debüt qarşılaşmalar best-of-3 formatında oynanılacaq. Turnirin yayımı iki rəsmi kanal vasitəsilə həyata keçiriləcək.

PGL Cluj-Napoca 2025 – Yayım A (1-ci mərhələ oyunları)

• MOUZ – BIG (12:00)
• FaZe Clan – SAW (15:00)
• TheMongolZ – Complexity Gaming (18:00)
• PaiN Gaming – Astralis (21:00)

PGL Cluj-Napoca 2025 – Yayım B (1-ci mərhələ oyunları)

• 3DMAX – Virtus.pro (12:00)
• Team Falcons – FlyQuest (15:00)
• MIBR – Wildcard Gaming (18:00)
• Eternal Fire – Imperial Female (21:00)

PGL Cluj-Napoca 2025 14-23 fevral tarixlərində Rumıniyada LAN formatında keçiriləcək. Turnirin ümumi mükafat fondu 1,25 milyon dollar təşkil edir. Yarışda 16 top səviyyəli komanda çempionluq uğrunda mübarizə aparacaq.

Esports Charts statistik platforması Counter-Strike tarixində ən çox izlənən turnirlərin siyahısını açıqlayıb.

Tədqiqatçılar Major turnirlərini nəzərə almayaraq digər ən populyar turnirləri müəyyən ediblər. IEM Katowice 2025 turniri 1,3 milyon izləyici ilə tarixdə ən çox baxılan turnir oldu.

Ən çox izlənən beş turnir arasında həmçinin IEM Katowice 2022 və 2020 turnirləri də yer alıb. Həmin yarışlar 1 milyondan çox tamaşaçı toplamışdı.

Bu göstəricilər Twitch, Kick və digər video platformalardakı canlı yayımlar əsasında hesablanıb. Lakin Çində yayımlanan turnir izlənmə göstəriciləri statistikaya daxil edilməyib.

Counter-Strike tarixində ən çox izlənən turnirlər (Major istisna olmaqla):

1️⃣ IEM Katowice 2025 – 1,3 milyon izləyici
2️⃣ IEM Katowice 2022 – 1 milyon+ izləyici
3️⃣ IEM Katowice 2020 – 1 milyon+ izləyici

Xatırladaq ki, Team Vitality turnirin finalında Team Spirit komandasını 3:0 hesabı ilə məğlub edərək çempion oldu. Oyunlar Dust 2 (13:6), Nuke (13:5) və Mirage (13:10) xəritələrində baş tutdu.

Bu qələbə sayəsində Vitality 400 min dollar qazandı və MVP adına layiq görülən Metyu ZywOo Erbo öz karyerasında 21-ci fərdi mükafatını əldə etdi.

Bundan əlavə, Vitality, FaZe Clan və Natus Vincere ilə birlikdə Intel Grand Slam (IGS) titulunu qazanmaq uğrunda mübarizəyə qoşuldu.

IEM Katowice 2025 turniri 29 yanvar – 9 fevral tarixlərində Polşada keçirildi və komandalar ümumi 1 milyon dollar mükafat fondu uğrunda mübarizə apardılar.