Valve‑in rəsmi reytinqi açıqlandıqdan sonra bir çox təşkilatçılar komandaları turnirlərə onların cari reytinqinə əsasən dəvət etməyə başlayıblar. Bununla belə, bəzi yarışlarda hələ də seçmə mərhələlər vasitəsilə keçmək imkanı qalır – məhz bu tip turnirlərə IEM Rio 2026 də daxildir. Bu yazıda 1xBet Azərbaycan‑ın kiberidman ekspertləri sizə sonda Braziliyada, isti Rio‑de‑Janeyroda mükafat uğrunda kimlərin yarışacaqını izah edəcək.

VRS reytinqinə əsasən dəvətlər

Intel Extreme Masters Rio 2026 turniri 13–19 aprel tarixlərində Braziliyada keçiriləcək. Yarışda 16 komanda iştirak edəcək və onlardan 13-ü 5 yanvar 2026 tarixli Valve Reytinq Sisteminə (VRS) əsasən birbaşa dəvət alıb.

İki yer məntiqi olaraq Amerika pro səhnəsinin təmsilçilərinə verildi:

• FURIA (VRS South America #1 / VRS Global #1)
• Passion UA (VRS North America #1 / VRS Global #21)

FURIA-ya dəvətin verilməsi heç bir sual doğurmadı – söhbət turnirə ev sahibliyi edən Braziliyanın ən məşhur komandasından gedir. Bundan əlavə, komanda qlobal və Amerika reytinqlərində ilk sıralarda yer alır.

Amma Passion UA komandasına verilən dəvət ilk baxışda gözlənilməz görünür, çünki bu Ukrayna təşkilatı 2026-cı ilin əvvəlində qlobal reytinqin ilk 20-liyinə belə daxil deyildi! Lakin ötən il Passion UA Amerika komandası olan Complexity-nin əsas oyunçularını JT, Grim, hallzerk və nicx-i (onlardan ikisi amerikalıdır) transfer etdi. Bu səbəbdən də regionu təmsil etməyə tam hüququ var.

IEM Rio 2026 turnirində iştirak üçün daha 11 yer qlobal reytinq əsasında paylanıb. Mötərizədə göstərilən rəqəmlər komandaların dəvət alındığı anda VRS Global reytinqindəki mövqeyini göstərir:

• Vitality (#2)
• Falcons (#3)
• Team Spirit (#4)
• NAVI (#5)
• MOUZ (#6)
• Aurora Gaming (#9)
• B8 (#10)
• Legacy (#11)
• G2 Esports (#12)
• Team Liquid (#13)
• 3DMAX (#14)

Sıx yarış qrafikinə görə yalnız FaZe Clan və The MongolZ dəvətdən imtina edib – bu komandalar qlobal reytinqdə müvafiq olaraq 7-ci və 8-ci yerləri tuturdular. Onların yerinə IEM Rio 2026 turnirinə Team Liquid və 3DMAX dəvət olunub.

Seçmə mərhələlər

Amerika komandaları üçün verilən dəvətlərdə olduğu kimi, turnirin keçirildiyi region üçün də təşkilatçılar ayrıca seçmə mərhələlər keçirdilər. Qapalı seçmələrə VRS Americas reytinqinə əsasən dörd komanda birbaşa vəsiqə qazandı: Imperial, Fluxo, BESTIA və Sharks Esports. Daha dörd Amerika kollektivi isə açıq seçmə mərhələlərdən keçərək turnirə düşdü: ShindeN, ODDIK, 9z Team və RED Canids.

Təəccüblüdür ki, regional mərhələdən yalnız bir komanda RED Canids vəsiqə qazana bildi. Onlar Sharks Esports-u 2:0, Imperial-ı 2:1, və BESTIA-nı isə iki dəfə məğlub etdilər: yuxarı cədvəlin finalında 2:0 və böyük finalda 2:1 hesabı ilə.Digər tərəfdən, təcrübəli MIBR kollektivi açıq seçmə mərhələlərini belə keçə bilmədi və öz ölkəsində keçiriləcək turnirdə iştirak hüququ qazana bilmədi.

• RED Canids (VRS Americas #16 / VRS Global #78)

Qlobal seçmə mərhələsi çərçivəsində IEM Rio 2026 üçün iki slot uğrunda mübarizə aparıldı. Açıq seçmələrdə ümumilikdə 594 komanda qeydiyyatdan keçsə də, yalnız dördü  Sangal, BIG Academy, Nuclear TigeRES və Team Nemesis qapalı mərhələyə yüksələ bildi.Lakin PARIVISION, HEROIC və GamerLegion komandaları BLAST Bounty Winter 2026 turnirində iştirak etdikləri üçün seçim mərhələsindən imtina etdilər. Bu səbəbdən onların yerləri açıq seçmələrdən əlavə üç komandaya verildi: KOLESIE, GenOne və Ursa.

Qapalı seçim mərhələləri böyük maraq doğurdu, çünki bu mərhələdə əfsanəvi s1mple-ın yer aldığı BC.Game Esports komandası da iştirak edirdi.Kiberidman dünyasının azarkeşləri üçün s1mple-ı yenidən iri turnirin böyük səhnəsində görmək, heç şübhəsiz, uzun zamandır gözlənilən hadisədir və onun iştirakı bu mərhələni əsl sensasiyaya çevirdi.

Təəssüf ki, komanda turnirin seçmə mərhələsini yalnız iki matçdan sonra tərk etdi. Əvvəlcə tanınmamış Ursa komandasına 0:2, daha sonra isə Team Nemesis-ə 1:2 hesabı ilə uduzdular.Bu nəticə daha da təəccüblüdür, çünki BC.Game heyətində meycor çempionları s1mple və electroNic, həmçinin SAW komandasının təcrübəli əsası yer alırdı, halbuki onların rəqibləri Ursa və Team Nemesis müvafiq olaraq Valve reytinqində 185-ci və 90-cı yerləri tutur.

Eləcə də Fnatic və FUT Esports kimi kifayət qədər zəif olmayan IEM Rio 2026 turnirinin seçmə mərhələsini keçə bilmədilər.Ən acı məğlubiyyət isə Boombl4 rəhbərliyindəki BetBoom Team üçün oldu: əvvəlcə onlar HOTU ilə yuxarı cədvəlin finalında 0:2 hesabı ilə uduzdular, daha sonra isə Gentle Mates ilə matçda 1:2 nəticəsi ilə turnirdən kənar qaldılar.

Beləliklə, məhz bu iki komanda – Gentle Mates və HOTU – IEM Rio 2026 turnirinin son iştirakçıları oldular.

• HOTU (VRS Global #28)
• Gentle Mates (VRS Global #27)

Braziliyanın coşğun azarkeş dəstəyi nəzərə alındıqda, IEM Rio 2026 turnirinin əsas favoritləri FURIA hesab olunur. Lakin «böyük üçlüyü» – Vitality, Spirit və Falcons-u da nəzərdən qaçırmaq olmaz.

Turnirin təşkilatçılarından biri olan beynəlxalq brend 1xBetəmindir: nəticədən asılı olmayaraq, bütün CS2 azərkeşlərini unudulmaz kiberidman şousu gözləyir!

IEM Krakow 2026 üzrə CS2 kibertunirinin qrup mərhələsi uğurla başa çatdı və artıq çempionluq titulunu final oyunlarında uğrunda mübarizə aparacaq altı komandanın adı dəqiq məlumdur. Bu elit qrupda yer alan komandalar arasında beynəlxalq brend 1xBet-in əsas tərəfdaşı olduğu Aurora komandası da var. Gəlin komandanın əvvəlki mərhələlərdəki nəticələrinə nəzər salaq və IEM Krakow 2026-nın pley-off mərhələsi üçün proqnoz verək.

Play-In mərhələsi

Aurora komandası IEM Krakow 2026 turnirində öz yoluna Play-In mərhələsindən başladı. Bu mərhələdə 16 komanda əsas qrup mərhələsinə vəsiqə qazanmaq üçün 8 yer uğrunda mübarizə aparırdı.

• Aurora – GamerLegion (2-0 / Nuke 13:5, Dust2 13:7)

İlk oyun GamerLegion-a qarşı oldu və hər şey sanki ssenariyə uyğun getdi – türk komandası matçın gedişatına tam nəzarət etdi və hər iki xəritədə rəqiblərini asanlıqla məğlub etdi. Görüşün ən yaxşı oyunçusu Özgür “woxic” Eker oldu: o, 40/20 KD nəticəsi göstərdi, 10 multi-kill və iki clutch qazandı. Xüsusilə 11:1 start kill/statistikası və raundlarda qalibiyyətə verdiyi töhfə Swing +6.82% təsirli idi.

• Aurora – PARIVISION (1-2 / Mirage 5:13, Anubis 13:5, Dust2 4:13)

İkinci oyunda Aurora, yaxın zamanda BLAST Bounty Winter 2026 turnirini qazanan PARIVISION ilə qarşılaşdı. Görüş gərgin başladı: komandalar öz seçdikləri xəritələrdə eyni hesabla 13:5 qalib gəldilər. Lakin həlledici Dust2 xəritəsində oyun birtərəfli keçdi. Aurora oyunçuları hər hissədə cəmi 2 raund qazana bildilər və nəticədə Play-In mərhələsinin aşağı cədvəlinə düşdülər.

• Aurora – paiN Gaming (2-0 / Mirage 13:7, Overpass 13:6)

Həlledici matçda – Braziliya təmsilçisi paiN Gaming-ə qarşı – Aurora komandası yenidən yüksək səviyyəli Counter-Strike nümayiş etdirdi. Bütün oyunçular 1,0-dan yüksək reytinq topladı, amma görüşün əsl qəhrəmanı 35 yaşlı kapitan Engin  “MAJ3R”  Küpeli oldu – o, ilk xəritədə möhtəşəm 2,27 reytinq qazandı.

Qrup mərhələsi 

Qrup mərhələsində dünyanın 8 ən güclü komandası işə qoşuldu və bu da rəqiblərin səviyyəsinin əhəmiyyətli dərəcədə artmasına səbəb oldu.

• Aurora – Falcons (2-1 / Anubis 13:7, Mirage 10:13, Inferno 13:8)

Qrup mərhələsinə çıxış məsələsini uğurla həll etdikdən sonra Aurora ilk oyunda BLAST Bounty Winter 2026 turnirinin gümüş mükafatçısı Falcons komandası ilə qarşılaşdı. «Şahinlər» turnirə ulduz oyunçu kyousuke daxil olmaqla tam heyətlə qatılmışdılar və bu da onları olduqca güclü rəqibə çevirirdi.Lakin artıq ilk Anubis xəritəsində Aurora oyunçuları ciddi əhval-ruhiyyədə olduqlarını göstərdilər və seçimlərini problemsiz şəkildə 13:7 hesabı ilə qazandılar. Falcons öz seçimi olan Mirage xəritəsində qalib gəlsə də, həlledici Inferno hər şeyi aydınlaşdırdı – 13:8 və növbəti mərhələyə çıxış.Qeyd etmək lazımdır ki, bu oyunun ən yaxşısı komandanın yeni üzvü Caner  “soulfly” Kesici oldu. O, güclü rəqibə qarşı döyüşdə sözün əsl mənasında parladı – 52 kill və 1,31 reytinq!

• Aurora – MOUZ (2-0 / Dust2 13:7, Inferno 13:9)

Qrup mərhələsinin ikinci matçında Aurora komandası MOUZ ilə qarşılaşdı. Və «Siçanlar» bütün göstəricilər üzrə türkiyəli oyunçulardan zəif çıxış etdilər! Hesab yaxın görünsə də, MOUZ oyunçuları açar raundlarda uduzurdular və nəticədə gözlənildiyi kimi görüşü quru hesabla – 0:2 uduzdular.Aurora-da yenə də ən yaxşı oyunçu komandanın yeni üzvü soulfly oldu – beləliklə, onun komandaya uğurlu inteqrasiyası ilə bağlı bütün suallar artıq cavabını tapmış sayılır.

Pley-off üçün proqnoz

MOUZ üzərində qələbədən sonra qrup mərhələsinin son qarşılaşmasında Aurora komandası dünyanın ən güclü kollektivi – Vitality ilə üz-üzə gəldi. Lakin bu duel turnir baxımından həlledici deyildi, çünki Aurora artıq pley-off mərhələsinə vəsiqəni təmin etmişdi.

IEM Krakow 2026 turnirində pley-off mərhələsinə çıxan komandaların oyun səviyyəsini nəzərə alsaq, çempionluğa əsas namizədlər əsas üçlükdə belə sıralanır:

1. Vitality
2. Aurora
3. Spirit

Vitality və Spirit komandalarının oyunu böyük ölçüdə onların ulduz oyunçuları olan ZywOo və donk-un performansından asılıdır. Aurora komandasında isə bu cür problem yoxdur: hər bir oyunçu vəziyyəti öz əlinə almaq və komandaya qələbə qazandırmaq gücünə malikdir. Məhz buna görə də, 1xBet Azərbaycanın kiberidman üzrə ekspertləri hesab edirlər ki, Aurora-nın IEM Krakow 2026 turnirində qalib gəlmək şansı kifayət qədər yüksəkdir.

PGL Cluj-Napoca 2026 turniri fevralın 14-də start götürür. Qrup mərhələsinin ilk günü olduqca gərgin keçəcək, çünki azarkeşlər dünyanın demək olar ki, bütün ən yaxşı komandalarının mübarizəsini izləyə biləcəklər.

Qrup mərhələsi 14-18 fevral tarixlərində İsveçrə sistemi üzrə keçiriləcək. Turnirdə 16 komanda iştirak edir; bu sistemə əsasən, üç qələbə qazanan komanda növbəti mərhələyə adlayır, üç məğlubiyyət alan kollektiv isə yarışı tərk edir. Bu format yarışın ilk anlarından etibarən maraqlı və gərgin oyunlara zəmanət verir.

İlk günün oyun cədvəli:

Stream A:

• 12:00 Natus Vincere — Astralis
• 15:00 MOUZ — Team Liquid
• 18:00 Team Vitality — G2 Esports
• 21:00 FURIA Esports — 80Level

Stream B:

• 12:00 Aurora Gaming — FUT Esports
• 15:00 FaZe Clan — Wildcard
• 18:00 Team Falcons — Entropiq
• 21:00 The MongolZ — paiN Gaming

2026-cı il fevralın 4-dən 5-nə keçən gecə Valve şirkəti Counter-Strike 2 üçün yeni yenilənmə təqdim edib. 5 fevral tarixli patçda tərtibatçılar müşahidə rejimindəki animasiya xətalarını aradan qaldırıb, fizika və FPS göstəricilərini optimallaşdırıb, həmçinin Anubis və Poseidon xəritələrində dəyişikliklər ediblər.

Yenilənmənin əsas detalları:

Həll edilən ən mühüm problemlərdən biri müşahidə rejimində oyunçular arasında keçid edərkən birinci şəxs görüntüsündə animasiyaların sıfırlanması olub. Bundan əlavə, Valve başlanğıc nöqtəsindən uzaqda yerləşən obyektlərin fizika hesablamalarındakı xətanı düzəldib; bu xəta əvvəllər sistemin məhsuldarlığının qəfil aşağı düşməsinə (FPS drop) səbəb olurdu.

Xəritə dəyişiklikləri:

• Anubis: Yeni eniş hissəsində və B nöqtəsindən kanala keçiddə toqquşma modelləri (collision) tənzimlənib. Bu, oyunçuların və qumbaraların həndəsi strukturların içindən keçməsinin qarşısını almaq üçün edilib.
• Poseidon: Xəritə İcma Atelyesindəki (Workshop) ən son aktual versiyaya qədər yenilənib.