Lynn Vision Gaming komandasının CS2 oyunçusu z4kr (Sike) ilə bağlı qalmaqal Çində geniş müzakirə olunur. Onun keçmiş sevgilisi weibo sosial şəbəkəsində kiberidmançının ikiüzlü həyat sürdüyünü və bir çox qadını aldatdığını sübut edən materiallar paylaşdı.
Yayımlanan yazışma skrinşotlarına görə, Sike eyni vaxtda bir neçə qadınla münasibətdə olub. Onların arasında teleaparıcı, strimer və hətta komanda yoldaşının sevgilisi də var.
Xüsusilə, BLAST.tv Austin Major 2025 turnirində baş verən hadisə böyük rezonans doğurdu — iddiaya görə, oyunçu bir neçə cinsi yolla keçən xəstəliyə yoluxub, lakin Çinə qayıtdıqdan sonra da görüşlərini davam etdirib.
Onun telefonunda müxtəlif qadınlarla çəkilmiş 4 mindən çox intim foto və video aşkar edilib. Bu materialların şantaj məqsədilə istifadə edildiyi iddia olunur. Digər zərərçəkənlər artıq məhkəmə iddiası hazırlayır, Lynn Vision rəhbərliyi isə oyunçunun heyətdən kənarlaşdırılmasını nəzərdən keçirir.
