DreamLeague Season 26 turnirinin Şimali Amerika üzrə qapalı seçmə mərhələsində Wildcard və 4Zoomers komandaları arasında baş tutan qarşılaşmada Dota 2 peşəkar səhnəsinin ən qısa oyunu qeydə alınıb.
Bu tarixi an seriyanın ikinci xəritəsində baş verib. Qarşılaşma cəmi 6 dəqiqə 4 saniyə davam edib. Bu qədər qısa müddətdə sona çatan matçın əsas səbəbi 4Zoomers komandasının mid oyunçusunun ölümdən sonra buyback edib dərhal oyunu tərk etməsi olub. Onun bu addımı komandada təslim olma qərarına gətirib və nəticədə Wildcard rəqibini 2:0 hesabı ilə məğlub edib.
Bu hadisə Dota 2 tarixində rəsmi səviyyədə qeydə alınan ən qısa xəritə kimi yadda qalıb. Qeyd edək ki, bundan əvvəlki rekord EHOME və Moscow Five komandaları arasında keçirilən qarşılaşmaya məxsus idi və həmin oyun 6 dəqiqə 37 saniyə davam etmişdi.
