Valve şirkəti Dota 2 üçün yeni texniki yeniləmə yayımlayıb. Təxminən 88 MB ölçüsündə olan bu yeniləmə oyun balansına toxunmasa da, mexanika və interfeys sahəsində bəzi dəyişikliklər edib.
Yeniləmənin mərkəzində duran dəyişiklik Abaddon qəhrəmanının Mist Coil qabiliyyəti ilə bağlıdır. Artıq bu bacarıq hücum gücünün 40/60/80/100% qədər əlavə zərər vurur və əşyaların təsirlərini aktivləşdirir (məsələn, lifesteal, bash və s.). Bu dəyişiklik Mist Coil bacarığını daha çevik və strateji alətə çevirir, xüsusilə döyüşlərdə və kombinasiyalarda daha çox imkanlar yaradır.
Digər tərəfdən, xəritədə runların çıxması ilə bağlı interfeys elementləri yenilənib. Bəzi tekstura və lokalizasiya problemləri aradan qaldırılıb. Texniki təkmilləşdirmələr oyunun ümumi sabitliyinə və vizual hissəsinə müsbət təsir göstərir.
Bu yeniləmə oyun balansını dəyişdirmədən oyun təcrübəsini təkmilləşdirməyə yönəlib.
