17 iyun gecəsi Dota 2 oyun müştərisinə yeni yeniləmə tətbiq olunub. Team Spirit analitiki Denis “sikle” Lermanın verdiyi məlumata görə, yeniləmə texniki baxımdan bir sıra mühüm dəyişiklik və düzəlişlər gətirib.
Yeni funksiyalar arasında diqqətçəkəni — “buyback” qorumasını aktivləşdirmək üçün ayrıca klaviş təyini imkanıdır. Bu funksiya 7.39 yeniləməsi ilə oyuna əlavə edilmişdi, lakin artıq istifadəçilər onu daha rahat şəkildə idarə edə biləcəklər.
Bundan əlavə, video ayarlarını sıfırlamağa cəhd etdikdə xəbərdarlıq mesajı görünür — bu da təsadüfi dəyişikliklərin qarşısını almaq üçün əlavə təhlükəsizlik tədbiridir.
Yeniləmə həm də vizual dəyişikliklər gətirib. Qəhrəmanların ön izləməsi zamanı artıq həddindən artıq parlaqlıq effekti yoxdur, həmçinin təcrübə qurbangahının (altar of experience) animasiyaları təkmilləşdirilib.
Yeni kosmetik dəstlər:
- Attunements of the Ornate Phoenix
- Roost of the Winter Raven – Crystal Maiden üçün
- Fluttering Breeze – Windranger üçün
- Highborn Heretic – Skywrath Mage üçün
- Tines of the Pyreaxe – Jakiro üçün
- Mischief of the Winter Moth – Puck üçün
- Grimfeather the Grotesque – Visage üçün
Qeyd edək ki, əvvəlki yeniləmədə Lone Druid qəhrəmanının Ayı forması üçün əhəmiyyətli dəyişiklik edilmişdi – artıq Ayı əsas qəhrəmanla ortaq inventar sistemindən istifadə edir.
