8
Esports World Cup Foundation bu ilki Esports World Cup (EWC) 2025 turniri üçün ümumi mükafat fondunu açıqlayıb. Tədbir 7 iyul – 25 avqust tarixlərində Səudiyyə Ərəbistanının Ər-Riyad şəhərində keçiriləcək.
Ötən illə müqayisədə mükafat məbləği 10 milyon dollar artırılaraq 70 milyon ABŞ dolları səviyyəsinə çatdırılıb. Bu göstərici EWC tarixində rekord sayılır.
Mükafat fondunun bölgüsü:
- 38 milyon dollar – müxtəlif oyun turnirlərinin qalibləri arasında paylanacaq.
- 27 milyon dollar – “Club Championship” çərçivəsində ən çox xal toplayan klublar arasında bölüşdürüləcək.
- 450 min dollar – hər bir oyun üzrə seçilən MVP-lərə (ən dəyərli oyunçu) veriləcək.
- 5 milyon dollar – seçmə mərhələlərin (qvalifikasiyaların) təşkili üçün ayrılıb.
Bu turnir dünyanın ən prestijli kiberidman tədbirlərindən biri olmaqla, həm iştirakçılar, həm də azarkeşlər üçün möhtəşəm yarış təcrübəsi vəd edir.
