Beynəlxalq Avtomobil Federasiyası (FIA) elan edib ki, Gran Turismo 7 üzərində keçiriləcək MENA Esports Championship 2025 onun Beynəlxalq İdman Kodeksindən istifadə edəcək ilk sim yarış çempionatı olacaq.
Turnir 13–15 noyabr 2025-ci ildə İordaniyanın paytaxtı Ammanda baş tutacaq. Qalib yarışçı dekabr ayında Özbəkistanda keçiriləcək FIA mükafatlandırma mərasiminə dəvət alacaq.
Müsabiqənin rəsmi qaydalarının qorunması üçün FIA xüsusi yarış direktoru, iki beynəlxalq stüard və bir idman koordinatoru təyin edəcək. Bu şəxslər rəsmi yarış qaydalarına nəzarət edəcək və onların tətbiqinə cavabdeh olacaqlar.
Seriya ilk dəfə 2021-ci ildə MENA Esport Cup adı ilə keçirilib, lakin artıq FIA statuslu regional çempionata çevrilib və yenidən Gran Turismo 7 oyununda reallaşacaq.
