1xBet Azərbaycan platformasının ekspertləri The MongolZ komandasının CS2 üzrə IEM Chengdu 2025 turnirindəki çıxışına yekun vurur.
Heyətdə dəyişiklik
22 oktyabrda, IEM Chengdu 2025-in başlanmasına cəmi bir həftə yarım qalmış komanda hamı üçün gözlənilməz şəkildə heyət dəyişikliyini elan etdi. Ehtiyat skamyasına Azbayar “Senzu” Munkhbold göndərildi — yay fasiləsindən sonra komandada ən yüksək reytingə (1,11) sahib olan oyunçu.
The MongolZ təşkilatı və oyunçular iki il ərzində ilk dəfə edilən heyət dəyişikliyinin səbəbləri barədə geniş məlumat vermədilər, lakin bunun formanın itirilməsi ilə bağlı olmadığı açıq görünürdü. İnternetdə Senzu-nun gedişi ilə bağlı müxtəlif versiyalar səsləndirilirdi — motivasiya itkisi və ESL Pro League S22-dən acı məğlubiyyətlə ayrılmaqdan tutmuş şəxsi problemlərə qədər. Lakin rəsmi versiya hələ də açıqlanmayıb.
Niyə məhz controlez?
Mövsümün sonuna qədər The MongolZ üç turnirdə iştirak etməli idi:
IEM Chengdu 2025 (3–9 noyabr), BLAST Rivals Fall 2025 (12–16 noyabr) və StarLadder Budapest Major 2025 (24 noyabr – 14 dekabr). Qrafikin sıxlığını nəzərə alaraq, təşkilat həm sürətli, həm də uğurlu bir qərar verməli idi — uyğun stend-in seçmək məsələsində.
Gənc atıcını The MongolZ akademiyasından götürmək variantı da mövcud idi, lakin meycorun əhəmiyyətini nəzərə alaraq komanda daha təcrübəli oyunçu üzərində dayanmağa qərar verdi. Heyətin mono-millətli olmasını nəzərə alaraq, menecment Senzu-ya əvəz kimi ən güclü monqol CS2 kollektivləri — The Huns Esports və Chinggis Warriors oyunçuları arasından namizəd axtarırdı.
Aydın seçim rifler Baatarkhuu “Bart4k” Batbold olardı — Ayush “mzinho” Batboldun böyük qardaşı və The MongolZ-ın sabiq oyunçusu. Lakin menecment seçimini Chinggis Warriors komandasının kapitanı Unudelger “controlez” Baasanjargalın üzərində etdi — həmin vaxt o, ehtiyat skamyasında idi.
Elə controlez özü bildirib ki, The MongolZ onu liderlik keyfiyyətlərinə və oyunlar zamanı düzgün ab-havanı qoruyub saxlamaq bacarığına görə seçib.
Stend-in və komanda özünü necə göstərdi?
IEM Chengdu 2025 — ESL Grand Slam seriyasına daxil olan və Valve reytinqi üçün vacib VRS xalları qazandıran, ümumi mükafat fondu $1 000 000 olan nüfuzlu turnirdir. Məhz buna görə The MongolZ üçün yeni oyunçu ilə bu turnirdə layiqli çıxış etmək çox önəmli idi.
HEROIC-ə qarşı debüt matçı uğurlu alındı: The MongolZ rəqibin seçimi olan Overpass xəritəsini (10:13) versə də, öz seçimləri Inferno-nu (13:6) və həlledici Ancient-i (13:5) böyük çətinlik çəkmədən qazandılar. Controlez yeni komandanın oyununa mükəmməl uyğunlaşdı — ilk gündən monqol beşliyində ikinci yeri tutaraq 1.20 reyting və 49/35 KD göstərdi. Növbəti matçda Astralis-ə qarşı mübarizə bərabər keçdi, lakin The MongolZ məğlub oldu (11:13, 8:13). Bu görüşdə controlez də daxil olmaqla komandanın dörd oyunçusu 1.00-dan aşağı reyting göstərdi. Bu fon qarşısında məğlubiyyət üçün yalnız komandanın yeni oyunçusunu günahlandırmaq üçün heç bir əsas yox idi.
Aşağı cədvələ düşdükdən sonra hər oyun komanda üçün uçub-getmə matçına çevrildi və belə çətin vəziyyətdə monqollar toparlana bildi. Əvvəlcə onlar paiN Gaming-i 2:1 hesabı ilə məğlub etdilər və controlez ümumiyyətlə matçın ən yaxşı oyunçusu oldu — 1.24 reyting və 50/47 KD göstərərək!
Daha sonra The MongolZ turnirin əsas sensasiyasını gerçəkləşdirdi — qrup mərhələsinin həlledici qarşılaşmasında favorit Team Spirit-i mübarizədən kənarlaşdırdı. Monqollar dueli əla başladılar və rəqibin seçimi olan Dust2 xəritəsini 13:7 hesabı ilə qazandılar. Öz seçimləri Ancient matçın son xəritəsi ola bilərdi, lakin «Əjdahalar» xəritəyə möhkəm sarılıb oyunu əlavə vaxtda qoparmağı bacardılar (19:16). Həlledici Mirage isə The MongolZ-un diktəsi altında keçdi — 13:6 və IEM Chengdu 2025-in pley-off mərhələsinə inamlı yüksəliş. Bu görüşdə debütant controlez komandanın üçüncü ən yaxşı göstəricisinə imza atdı: 1.12 reyting və 47/51 KD.
Lakin komanda turnirdə daha yüksək nəticə göstərə bilmədi: The MongolZ pley-offdakı ilk oyununda FURIA-ya quru hesabla 0:2 uduzdu (amma controlez yenə komandanın reyting üzrə üçüncüsü, öldürmələrin sayı üzrə isə birincisi oldu). Monqolların müdafiəsinə bir məqam da var: bu turnirdə FURIA-nı heç kim məğlub edə bilməzdi – onlar öz prime formalarını tapmışdılar. The MongolZ üzərindəki qələbədən sonra yarımfinalda Falcons-u (2:0), daha sonra isə qrand-finalda Vitality-ni (3:0) «üzərlərindən keçərək» məğlub etdilər və tam haqqı ilə IEM Chengdu 2025-in çempionu oldular.
Nəticə
The MongolZ komandasının IEM Chengdu 2025 turnirində oyunçularının orta göstəriciləri belədir:
1. 910 – reytinq 1,20, KD +63
2. controlez – reytinq 1,06, KD -11
3. Techno4K – reytinq 1,02, KD +14
4. mzinho – reytinq 0,98, KD +1
5. bLitz – reytinq 0,91, KD -28
Yeni komandası ilə ilk turnirdə Unudelger “controlez” Baasanjargal reyting üzrə ikinci oyunçu oldu — yalnız snayper 910 onu qabaqladı və əsas heyətin üç üzvünü — Techno4K, mzinho və bLitz-i geridə qoydu. Bu, istənilən debütant üçün əla nəticədir və ümumilikdə komanda üçün də pis olmayan turnir yekunudur.
The MongolZ IEM Chengdu 2025-də yalnız beşinci yeri tutsa da, yeni oyunçu controlez-in çıxışı təşkilatın düzgün seçim etdiyini təsdiqlədi. 1xBet-in kiberidman analitiklərinin fikrincə, bu cür oyunla komanda ilin əsas turniri olan StarLadder Budapest Major 2025-i qazanmağa tam qadirdir!
