CS2 üzrə IEM Cologne 2025 turnirinin qrup mərhələsinin dörddəbir finalında Metyu “ZywOo” Erbonun rəhbərlik etdiyi Team Vitality, Danimarkanın Astralis komandasına qarşı inamlı qələbə qazanıb.
Qarşılaşma Team Vitality-nin 2:0 hesablı qələbəsi ilə başa çatıb. Matçın xəritələri üzrə nəticələr aşağıdakı kimi olub:
- Nuke: 13:11 (Astralis-in seçimi)
- Overpass: 13:8 (Team Vitality-nin seçimi)
Team Vitality-nin lideri ZywOo və komanda yoldaşı William “mezii” Merriman matçda yüksək performans göstərib. Merriman 37 qətl və 1.23 reytinq ilə matçın ən dəyərli oyunçusu (MVP) seçilib.
Bu qələbə ilə Team Vitality A qrupunun yuxarı mötərizəsində mübarizəni davam etdirəcək və yarımfinalda G2 Esports ilə qarşılaşacaq. Astralis isə aşağı mötərizəyə düşüb və turnirdə qalmaq üçün FURIA Esports ilə həlledici matç keçirəcək.
Turnir 23 iyul – 3 avqust tarixlərində Almaniyanın Köln şəhərində keçirilir. Ümumi mükafat fondu 1 milyon dollar təşkil edir, qalibə 400 min dollar, ikinci yerə isə 180 min dollar verilir.
