1
“PUBG” oyununun naşiri Krafton şirkəti 2025-ci il üzrə maliyyə hesabatını dərc edib. Sosial şəbəkələrdə təqdim olunan sənədlərə əsasən, şirkətin gəliri tarixində ilk dəfə 2,05 milyard dollar həddinə çatıb. Bu göstərici illik müqayisədə 22,8% artım deməkdir.
Maliyyə hesabatının əsas məqamları:
- PUBG: Battlegrounds françayzı uğura ən böyük töhfəni verib.
- Mobil versiyadan əldə olunan gəlir 1,1 milyard dollar təşkil edib.
- PC seqmenti şirkətə 751 milyon dollar qazandırıb.
- Artıma yeni tematik rejimlər və tanınmış brendlərlə əməkdaşlıqlar (kollaborasiyalar) təkan verib.
- inZOI və Mimesis kimi yeni oyunlar 1 milyondan çox satış nüsxəsi ilə müsbət dinamika nümayiş etdirib.
- Holdinqin əməliyyat mənfəəti də artaraq 717,5 milyon dollara çatıb.
Krafton-un gələcək inkişaf strategiyası süni intellektin (AI) tətbiqinə yönəlib. 2026-cı ilin fevral ayına olan məlumata görə, kiçik profilli komandalar tərəfindən 15 layihə hazırlanır. Naşir öz portfelini Subnautica 2, Palworld Mobile, Dinkum Together və No Law kimi relizlərlə genişləndirməyi planlaşdırır.
