StarLadder Budapest Major 2025-in CS2 üzrə üçüncü mərhələsinin son oyunları başa çatıb. İndi pley-offun bütün iştirakçıları məlumdur.
Son oyun günündə NAVI B8-i 2:0 hesabı ilə məğlub edib (Ancient-də 13:4 və Train-də 16:14). Bu qələbə Natus Vincere komandasına pley-offa vəsiqə qazandırdı.
Passion UA da turnirin həlledici mərhələsinə çox yaxın idi, lakin FaZe Clan-la görüşdə uduzdu (0:2 – Overpass-da 11:13 və Mirage-da 11:13). Oyun gününü G2 – Falcons qarşılaşması yekunlaşdırdı, burada Səudiyyə Ərəbistanı təşkilatının heyəti 2:1 hesabı ilə qalib gəldi (Ancient-də 9:13, Inferno-da 13:4 və Dust2-də 13:10).
Bundan əvvəl Spirit, FURIA, MOUZ, Vitality və Mongolz artıq pley-offa yüksəlmişdi.
StarLadder Budapest Major 2025 24 noyabr – 14 dekabr tarixləri arasında Macarıstanın Budapeşt şəhərində keçirilir. Çempionatın mükafat fondu 1,25 milyon ABŞ dolları təşkil edir.
