Braziliyanın paiN Gaming təşkilatı professional Dota 2 səhnəsinə qayıtdığını rəsmən elan edib. Bu barədə məlumat klubun sosial media hesablarında paylaşılıb. Təşkilat əvvəllər “Peru Rejects” teqi altında çıxış edən Devid Parker Niho Floresin heyətini transfer edib.
PaiN Gaming-in yeni heyəti (keçmiş Peru Rejects):
Devid Parker Niho Flores
Qonzalo DarkMago Errera
Frank Frank Aries
Elvis Scofield Penya
Elstin Elmisho Verde
Kollektiv mart ayında İngiltərənin Birmingem şəhərində keçiriləcək ESL One Birmingham 2026 turnirində iştirak edəcək. Sözügedən turnir 22-29 mart 2026-cı il tarixlərində baş tutacaq. Xatırladaq ki, paiN Gaming təxminən altı il idi ki, Dota 2 heyətinə malik deyildi; təşkilat əvvəlki heyətini 2020-ci ilin aprelində buraxdığını elan etmişdi.
Nigar Məmmədova — az-esports.com kibersport xəbər saytının jurnalisti və redaktorudur. Videooyunlar, turnirlər və kibersport sənayesi ilə bağlı xəbərlərə ixtisaslaşıb, həm Azərbaycanda, həm də beynəlxalq səviyyədə. Geymer mədəniyyəti və müasir rəqəmsal trendlərlə maraqlanır. Kibersportun yeni nəsillərin gələcəyi olduğuna inanır.
