PGL Bucharest 2025: Start matçlarının tam təqvimi və format

Counter-Strike 2 üzrə ilin ən böyük turnirlərindən biri olan PGL Bucharest 2025 6 aprel tarixində start götürəcək. Rumıniyanın paytaxtında baş tutacaq yarışda 16 komanda qrup mərhələsində “şveytsar sistemi” ilə mübarizə aparacaq. Bütün qarşılaşmalar üç oyuna qədər davam edəcək (Best-of-3).

Turnirdə ən yaxşı 8 komanda pley-off mərhələsinə vəsiqə qazanacaq. Burada isə mübarizə təkli çıxarma (single-elimination) formatında olacaq və yarımfinala qədər oyunlar üç, final isə beş görüşdən ibarət olacaq (Best-of-5).

6 aprel – ilk turun oyunları (Moskva vaxtı ilə):

1. TheMongolZ – 3DMAX (10:00)
2. Virtus.pro – Rare Atom (10:00)
3. Team Falcons – Complexity Gaming (13:00)
4. G2 Esports – GamerLegion (13:00)
5. Eternal Fire – paiN Gaming (16:00)
6. Team Liquid – Legacy (16:00)
7. FaZe Clan – Astralis (19:00)
8. FURIA Esports – Betclic Apogee Esports (19:00)

Qeyd edək ki, bu, 2025-ci ildə PGL tərəfindən təşkil olunan ikinci CS2 turniridir. Yarış 6-13 aprel tarixlərində keçiriləcək və ümumi mükafat fondu 1 milyon 250 min ABŞ dollarıdır.