Red Bull Kumite Paris 2025 turnirinin təşkilatçıları 5 aprel tarixində baş tutacaq Play-In mərhələsinin rəqiblər cütlərini və tam oyun cədvəlini elan ediblər. Oyunlar Bakı vaxtı ilə saat 14:30-da start götürəcək.
Bu mərhələdə aşağıdakı oyunçular mübarizə aparacaq:
- Takamura (Belçika) – Red Bull Kumite 2025 Belçika Seçmə Turnirinin qalibi
- MarkTheShark (Cənubi Afrika) – Red Bull Kumite 2025 Cənubi Afrika Seçməsinin qalibi
- Kusanagi (Meksika) – Meksika üzrə Red Bull Kumite seçməsinin qalibi
- iDom (ABŞ) – GENESIS X2 2025 qalibi, bu qələbə ilə Play-In mərhələsinə birbaşa vəsiqə qazanıb
- ZJZ (Tayvan) – Tayvan üzrə Red Bull Kumite seçməsinin qalibi
- Higuchi (Yaponiya) – Beast Cup Kumite 2025 turnirinin qalibi
- Senor Power (Fransa) – Fransa üzrə Red Bull Kumite seçməsinin qalibi
- Salvatore (Kolumbiya) – Argentina üzrə Red Bull Kumite seçməsinin qalibi
Play-In mərhələsindən sonra Red Bull komandası tərəfindən mini bir şou təqdim olunacaq. Ardınca isə Red Bull Kumite 2025 turnirinin əsas mərhələsinə vəsiqə qazandıran LCQ (Last Chance Qualifier) yarışının TOP-16 hissəsi yayımlanacaq.
LCQ mərhələsində 253 iştirakçı son vəsiqələr uğrunda mübarizə aparacaq.
Qeyd edək ki, Red Bull Kumite Paris 2025 turniri Street Fighter 6 oyunu üzrə 5 və 6 aprel tarixlərində Fransanın Maison de la Mutualité konsert salonunda keçiriləcək. Turnirin ümumi mükafat fondu 50,000 ABŞ dollarıdır.
Bütün oyunları Red Bull TV platformasında və ya Red Bull-un Twitch kanalında canlı izləmək mümkündür.
