3
Çin texnologiya şirkəti ByteDance — TikTok-un ana şirkəti — öz oyun platformasını hazırlayır. Yeni layihə “GameTop” adlanacaq və Steam-ə rəqib kimi təqdim olunacaq. Bu barədə IT Home portalı məlumat yayıb.
Şirkətin rəsmi saytında yerləşdirilən vakansiya təsvirlərində qeyd olunur ki, işçilər “xarici bazarlara xidmət göstərəcək”, bu da ByteDance-in qlobal oyun bazarına çıxmaq planlarını təsdiqləyir.
Bu təşəbbüs ByteDance-in ötən il həyata keçirdiyi daxili restrukturizasiya ilə də uzlaşır. Şirkətin yeni rəhbəri Çjan Yunfan “yüksəkbüdcəli və aqressiv” genişlənmə strategiyasından daha praqmatik, səmərəliliyə yönəlmiş yanaşmaya keçib. İndi ByteDance-in əsas məqsədi oyunların nəşrinə və inkişafına fokuslanmaqdır.
