ABŞ-ı təmsil edən və Luminosity Gaming komandasında çıxış edən məşhur e-idmançı Dominik “SonicFox” Maklin bu il daha bir Kombatant seriyasına aid turnirdə qalib gəlib. O, Texas Showdown 2025 yarışmasında Mortal Kombat 1 üzrə birinci yeri tutaraq üstünlüyünü bir daha təsdiqləyib.
Hüston şəhərində keçirilən turnirin böyük finalında SonicFox rəqibi Aleks “Dyloch” Ruizi dramatik şəkildə məğlub edib. İlk seriyada 1:3 hesabı ilə geridə qalsa da, resetdən sonra ikinci seriyanı qələbə ilə (3:0) tamamlayaraq titulun sahibi olub.
Bu qələbə SonicFox-a 3080 Kombatant xalı və MK Pro Kompetition 2025 üçün əlavə 210 reytinq balı qazandırıb. Hazırda onun ümumi xalı 420-dir və o, ümumi sıralamada ikinci yerdə qərarlaşıb. Reytinqin lideri isə 440 xalla viennality 2025 turnirinin qalibi olan türkiyəli Kaminani-dir.
Texas Showdown 2025 yarışında 144 oyunçu mübarizə aparıb. Turnirin ümumi mükafat fondu 6160 dollar təşkil edib. MK Pro Kompetition 2025 seriyasının növbəti mərhələsi isə 12-18 aprel tarixlərində keçiriləcək International Kombat regional seçmələri olacaq. Şərqi Avropa seçmələrinə qeydiyyat artıq açıqdır.
Xatırladaq ki, CS2 üzrə BLAST Open Lisbon 2025 turnirinin ən yaxşı oyunçusu isə ZywOo seçilmişdi.
