The MongolZ CS2 üzrə StarLadder Budapest Major 2025-in əsas mərhələsinin ikinci raundunda Team Liquid komandasını məğlub edib. Görüş xəritələr üzrə 1:0 hesabı ilə başa çatıb (Inferno-da 13:9).
Bu qələbə sayəsində monqol kollektiv “1-1” səbətinə yüksəlib və 5 dekabrda növbəti matçını FaZe Clan-a qarşı keçirəcək – bu oyun pley-off uğrunda mübarizəni davam etdirmək şansını müəyyən edəcək.
Eyni zamanda Team Liquid “0-2” səbətində növbəti matçını Passion UA komandasına qarşı keçirəcək. Bu qarşılaşma komanda üçün turnirdə qalmaq və ya mübarizəni tərk etmək oyunu olacaq.
StarLadder Budapest Major 2025 Macarıstanda 24 noyabr–14 dekabr 2025-ci il tarixləri arasında keçirilir. Turnirdə 32 komanda iştirak edir. Ümumi mükafat fondu 1,25 milyon ABŞ dollarıdır.
