3
Оyun sevərləri üçün maraqlı xəbər: Tekken World Tour 2025 turnirlərinin ilk mərhələlərinin təqvimi artıq açıqlanıb. Bu barədə 24 mart tarixində keçirilən “Tekken Talk Live” podkastında oyunun yaradıcıları — Katsuhiro Harada, Michael Murray və Kohei Ikeda ətraflı məlumat veriblər.
TWT 2025 may ayında start götürür
Tekken World Tour 2025 seriyası may ayında başlayacaq və il ərzində müxtəlif ölkələrdə keçiriləcək beynəlxalq turnirlərlə davam edəcək. Seriyanın açılış və bağlanış tədbirləri artıq bəllidir:
- Açılış turniri: EVO Japan 2025, 9–11 may tarixlərində Tokioda baş tutacaq.
- Bağlanış turniri: Thaiger Uppercut 2025, 28–30 may tarixlərində Banqkok yaxınlığında keçiriləcək.
- Final mərhələsi: 2026-cı ilin əvvəlində təşkil olunacaq (dəqiq tarix hələ açıqlanmayıb).
May ayının əsas TWT turnirləri:
- EVO Japan 2025 – 9–11 may | Tokio, Yaponiya
- Brussels Challenge 2025 – 17–18 may | Brüssel, Belçika
- Combo Breaker 2025 – 23–25 may | Şaumburq, ABŞ
- BAM 2025 – 30 may – 1 iyun | Melburn, Avstraliya
- HeadStomper – 30 may – 1 iyun | Malmö, İsveç
Turnirlərə qeydiyyat 15 aprel tarixindən başlayacaq.
Yeni mövsümdə bizi nələr gözləyir?
Podkast zamanı DLC 2-ci sezonu ilə bağlı ilk detallara da aydınlıq gətirilib:
- Yeni arena PAC-MAN-in 45 illik yubileyinə həsr olunacaq.
- Yeni DLC personajları:
- Tekken kainatına məxsus unikal bir yeni döyüşçü
- Daha əvvəl Tekken oyunlarında yer almış iki məşhur personaj da Tekken 8-ə qayıdacaq
Bu yeniliklər Tekken fanatlarını həm nostalji ilə sevindirəcək, həm də yeni döyüş təcrübəsi bəxş edəcək.
