3
“Tencent Esports” Asiya Olimpiya Şurası (OCA) ilə on illik müqavilə bağladığını elan edib. Tərəfdaşlıq çərçivəsində şirkət OCA-nın kibersport üzrə texnoloji tərəfdaşı olacaq.
Tərəflər bu əməkdaşlığın Asiyada “kibersport və ənənəvi idman növlərinin inteqrasiyasını stimullaşdırmaq” məqsədi daşıdığını bildiriblər. “Tencent Esports”un direktoru Yati Çjan OCA-nın kibersport üzrə meneceri təyin edilib və o, Asiyada kibersport ekosisteminin inkişafına cavabdeh olacaq.
Qeyd edək ki, tərəflər artıq 19-cu Asiya Oyunlarında kibersportun inteqrasiyası istiqamətində uğurlu əməkdaşlıq təcrübəsinə malikdirlər.
