BetBoom Team-in meneceri Luka Nasuashvili The International 2025 üzrə Dota 2 turnirində format dəyişikliyini açıqlayıb – bütün komandalar səkkiz iştirakçıdan ibarət iki qrupa bölünəcək.
Turnirin rəsmi saytının məlumatına görə, ilk üç raund hər qrup daxilində oynanacaq. 4-cü raundda eyni nəticəli komandalar digər qrupun rəqibləri ilə qarşılaşacaq, 5-ci raunddan etibarən isə qruplar nəzərə alınmayacaq.
Turnir cədvəlində yerlərin müəyyənləşdirilmə meyarları:
- Matçlarda qələbələrin sayı
- Məğlubiyyətlərin sayı
- Qazanılmış oyunların faizi
- Keçmiş rəqiblərin qələbələrinin sayı
- Keçmiş rəqiblərin orta qələbə faizi
- Püşk atışı
4:0 nəticə göstərən komanda və 4:1 hesabı ilə çıxış edən iki kollektiv birbaşa pley-off mərhələsinə yüksələcək. 3:2 hesabı ilə oynayan komandalar 2:3 nəticəsi olanlarla qarşılaşacaq və qaliblər də növbəti mərhələyə vəsiqə qazanacaqlar.
The International 2025 Almaniyada 4–14 sentyabr tarixlərində keçiriləcək. Turnirin mükafat fondu artıq 2,179 milyon dollardan çoxdur və oyun içi dəstək paketlərinin satışından artmaqda davam edir.
