3
İspaniyanın “Barselona” futbol klubu rəsmi olaraq qadınlardan ibarət VALORANT komandası ilə müqavilə imzalayıb. Heyət Barça eSports GC teqi altında çıxış edəcək.
Klubun artıq League of Legends və VALORANT üzrə kişi komandaları fəaliyyət göstərir. İndi isə təşkilat bu ilin sonunda keçiriləcək VALORANT Game Changers Championship turnirinə vəsiqə qazanmağı hədəfləyir.
Barça eSports GC heyətinə Tier-2 səviyyəsində və Game Changers turnirlərində böyük təcrübəyə malik beş oyunçu daxil olub:
- Toki (IGL və Controller)
- Annie (Flex)
- devilasxa (Sentinel)
- miyori (Duelist)
- Lyda (Initiator)
- Quick (Məşqçi)
“Bu qadın komandası ‘Barselona’ FK-nın idmanda bərabərlik və inklüzivliyi təşviq edən təşəbbüsləri irəli aparmaq öhdəliyinin bir hissəsidir — bu, ‘Bir klubdan daha çoxu’ şüarının əsas sütunlarından biridir”, — deyə rəsmi press-relizdə bildirilir.
