2001-ci ildə Valve şirkəti tərəfindən çap edilmiş Counter-Strike Official Strategy Guide adlı rəsmi bələdçi kitabı hazırda əsl kolleksiya nümunəsinə çevrilib. Bu bələdçi kitabına eBay və digər oxşar platformalarda təxminən 100 dollar qiymətinə rast gəlmək mümkündür və kitabın indiyədək heç bir rəsmi çap və ya rəqəmsal təkrar nəşri işıq üzü görməyib.
Kitabın məzmunu erkən dövr Counter-Strike oyununun əsaslarını əks etdirdiyi üçün hələ də böyük tarixi maraq kəsb edir. Sənəddə terrorçuların və xüsusi təyinatlıların məqsədləri, komanda oyununun prinsipləri, mövqe seçimi, səslərlə işləmək və xəritə biliyi ətraflı təhlil olunur. Müəlliflər “360 dərəcəlik qavrayış”, komanda daxili qarşılıqlı əlaqə və döyüşdə taktiki qərarların verilməsi bölmələrinə xüsusi yer ayırıblar. Kitabda əsas diqqət mexaniki atış qabiliyyətinə deyil, oyunu dərk etməyə, kommunikasiyaya və düzgün qərar qəbuluna yönəlib. Bu bələdçi Valve tərəfindən oyunun “düzgün” yanaşma tərzini sistemləşdirmək üçün atılan ilk rəsmi cəhdlərdən biri olduğu üçün seriyanın pərəstişkarları və kibersport tarixi üçün dəyərli bir artefakt hesab edilir.
