ONi Global kibersport təşkilatını təmsil edən bleed ləqəbli oyunçu, Riot Games-in yeni faytinq növü olan 2XKO üzrə ilk meycorn turnirinin qalibi olub. Bu qələbə Frosty Faustings XVIII festivalı çərçivəsində baş tutub. Qrand-finalda amerikalı bleed “Evil Geniuses” komandasından Stiv “Supernoon” Karbahal ilə qarşılaşıb.
Supernoon ilk oyunu 3:2 hesabı ilə qazanaraq turnir cədvəli qaydalarına əsasən şansları bərabərləşdirməyi (bracket reset) bacarsa da, həlledici matçda bleed daha güclü çıxış edərək 3:1 hesabı ilə qalib gəlib.
Ümumi mükafat fondu 50 min dollar olan turnirdə qalib 20 min dollar əldə edib. Qeyd edək ki, bleed bu çempionluğu 874 iştirakçı arasından seçilərək qazanıb.
Nigar Məmmədova — az-esports.com kibersport xəbər saytının jurnalisti və redaktorudur. Videooyunlar, turnirlər və kibersport sənayesi ilə bağlı xəbərlərə ixtisaslaşıb, həm Azərbaycanda, həm də beynəlxalq səviyyədə. Geymer mədəniyyəti və müasir rəqəmsal trendlərlə maraqlanır. Kibersportun yeni nəsillərin gələcəyi olduğuna inanır.
