1 mart tarixində League of Legends üzrə beş regional turnir yekunlaşdı və ilin ilk böyük beynəlxalq çempionatı olan First Stand Tournament-də iştirak edəcək komandaların böyük qismi müəyyənləşdi. Hazırda səkkiz slotdan altısı artıq öz sahibini tapıb.
Turnirin son iki iştirakçısı — Çin təmsilçiləri (LPL) hələlik bəlli deyil. Çin regionundan San-Pauluda kimlərin çıxış edəcəyi 7 mart tarixində keçiriləcək final oyunlarından sonra dəqiqləşəcək.
First Stand Tournament-də iştirakı təsdiqlənmiş komandalar:
- Gen.G Esports — LCK Cup 2026 (Cənubi Koreya)
- FEARX — LCK Cup 2026 (Cənubi Koreya)
- LYON — LCS 2026 Lock-In (Şimali Amerika)
- LOUD — CBLOL Cup 2026 (Braziliya)
- G2 Esports — LEC Versus (Avropa)
- Secret Whales — LCP 2026 Split 1 (Asiya-Sakit Okean)
Turnir Haqqında Məlumat
2026 First Stand Tournament Braziliyanın San-Paulu şəhərində, 16–22 mart tarixləri arasında keçiriləcək. Dünyanın ən güclü səkkiz kollektivinin mübarizə aparacağı bu yarışma mövsümün ilk beynəlxalq kubokunu qazanmaq üçün mühüm platformadır. Braziliya təmsilçisi LOUD-un öz doğma meydanında çıxış edəcək olması yerli azarkeşlər üçün xüsusi maraq doğurur.
