League of Legends üzrə keçiriləcək First Stand Tournament 2026-nın regional seçmə mərhələləri başa çatdı. Turnirdə mübarizə aparacaq 8 komandanın siyahısı və qrup mərhələsinin püşkatma nəticələri rəsmən elan edilib. Yarış 16-22 mart tarixlərində Braziliyanın San-Paulu şəhərində keçiriləcək.
Bu mövsümün qaydalarına əsasən, dünyanın ən güclü liqaları sayılan LCK (Koreya) və LPL (Çin) turnirdə iki slotla, digər regionlar isə hər biri bir slotla təmsil olunur.
İştirakçı Komandaların Siyahısı
- Gen.G Esports — LCK Cup 2026 qalibi
- FEARX — LCK Cup 2026 finalçısı
- Bilibili Gaming — LPL Split 1 qalibi
- JD Gaming — LPL Split 1 finalçısı
- G2 Esports — LEC Versus qalibi
- LYON — LCS Lock-In qalibi
- LOUD — CBLOL Cup qalibi
- Secret Whales — LCP Split 1 qalibi
Qrup Mərhələsinin Püşkatma Nəticələri
Püşkatma nəticəsində komandalar hər birində dörd iştirakçı olmaqla iki qrupa bölünüblər:
A Qrupu
- Bilibili Gaming (Çin)
- FEARX (Koreya)
- G2 Esports (Avropa)
- Secret Whales (Asiya-Sakit Okean)
B Qrupu
- Gen.G Esports (Koreya)
- JD Gaming (Çin)
- LYON (Şimali Amerika)
- LOUD (Braziliya)
Format və Pley-off
Turnirin maraqlı tərəfi odur ki, qrup mərhələsindən başlayaraq bütün matçlar BO5 (3 qələbəyə qədər) formatında keçiriləcək. Hər qrupdan ən yaxşı nəticə göstərən iki komanda pley-off mərhələsinə vəsiqə qazanacaq.
Qeyd: Ev sahibi Braziliyanın LOUD komandasının B qrupunda Çin və Koreya nəhənglərinə qarşı necə çıxış edəcəyi yerli azarkeşlər tərəfindən böyük maraqla gözlənilir.
