Debüt “Esports Nations Cup” turnirinin seçmə mərhələləri başa çatıb. Nəticələrə əsasən, Səudiyyə Ərəbistanının Ər-Riyad şəhərində keçiriləcək və mükafat fondu 1 320 000 dollar təşkil edən LAN-turnirdə mübarizə aparacaq 24 milli komanda müəyyənləşib.
Regionlar üzrə Seçmə Mərhələlərin Nəticələri
- Qərbi Avropa: Böyük Britaniya heyətində Ouen “smooya” Batterfild və Oskar “AZUWU” Bell kimi oyunçularla slot əldə edib. Almaniya isə “BIG” və “M80” tandemindən ibarət rosterlə (Yohannes “tabseN” Vodarts, Frits “slaxz-” Ditrix və Elias “s1n” Ştayn) mərhələni adlayıb.
- Şərqi Avropa: Rumıniya millisinə Ər-Riyad vəsiqəsini Laurentsiu “lauNX” Tsirlə qazandırıb. Yustinas “jL” Lekaviçyus isə Litva seçməsinin kvalifikasiya olunmasına kömək edib.
- Digər seçmələr: Çili David “dav1deuS” Tapiya Maldonado və Matias “HUASOPEEK” İbanyes Ernandes ilə turnirə vəsiqə qazanıb. Türkiyə “Aurora”nın sabiq məşqçisi Sezgin “Fabre” Kalaycı ilə, Avstraliya isə “FlyQuest”in keçmiş və hazırkı oyunçularından ibarət heyətlə turnirə adlayıb.
Counter-Strike Veteranları Səhnədə
Turnirdə tanınmış veteranlar da yer alacaq. Adil “ScreaM” Benrlitom və qardaşı Nabil “Nivera” Benrlitom Mərakeş millisini turnirə çıxarıblar. Coşua “steel” Nissan Kanadanı növbəti mərhələyə daşıyıb, major çempionu Dauren “AdreN” Kistaubayev isə Qazaxıstan seçməsinə məşqçilik edib.
Turnirin Formatı
Əsas mərhələ 10-15 noyabr tarixlərində keçiriləcək. 24 komanda dörd qrupa bölünərək BO1 formatında dairəvi sistemlə mübarizə aparacaq. Pley-off mərhələsində komandaları “single-elimination” şəbəkəsində BO3 matçları, böyük finalda isə BO5 qarşılaşması gözləyir.
