“Bandai Namco” şirkəti “Tekken 8” faytinq oyununda “Baki” (Baki the Grappler) animesinin məşhur personajı Yudziro Hanmanı (Yujiro Hanma) ilk dəfə göstərib. Döyüşçü 2027-ci ilin əvvəlində oyunun heyətinə daxil olacaq.
Yeni arena, Rodcer-kiçik və təqdimat tarixi
Qəhrəmanın qısa tizeri “Tekken 8″in Rodcer-kiçik (Roger Jr.) personajına həsr olunmuş yeni treylerinin sonunda yer alıb. Videoda tərtibatçılar Yudzironun xarici görünüşünü nümayiş etdirərək onun gələcək relizini təsdiqləyiblər.
Personajla birlikdə oyuna yeni döyüş arenası da əlavə olunacaq. Yudziro Hanmanın tamfunksional geympley treyleri 17 yanvar 2027-ci il tarixində “Tekken World Tour” turnirinin finalı zamanı təqdim ediləcək.
Ona qədər isə üçüncü mövsüm biletinin (Season Pass 3) heyətinə Rodcer-kiçik daxil olacaq. O, noyabrın 16-da oyunçular üçün əlçatan olacaq, mövsüm biletinə sahib olanlar isə personajı beş gün daha əvvəl sınaqdan keçirə biləcəklər. Yudziro Hanmanın rəsmi relizi isə 2027-ci ilin əvvəlinə planlaşdırılır.
