PlayStation 5 Pro, qiyməti 700 dollar olmasına və böyük yeniliklər gətirməməsinə baxmayaraq, satışların ilk mərhələsində PS4 Pro ilə müqayisədə daha yaxşı nəticə əldə edib. Bu barədə Sony Group Corporation-ın baş əməliyyat və maliyyə direktoru Hiroki Totoki Nikkei Asia ilə müsahibəsində məlumat verib.
Totoki qiymətlə bağlı bəzi iradların olduğunu qeyd edib, lakin buna baxmayaraq, Sony qiyməti azaltmağı planlaşdırmır:
“Bu, əsas auditoriyamıza yönəlmiş yüksək səviyyəli bir məhsuldur, buna görə də satış həcmini artırmaq kimi bir məqsədimiz yox idi. Yenə də PlayStation 5 Pro-nun PS4 Pro ilə müqayisədə ilkin satış göstəricilərində üstün olması məni təəccübləndirdi. Bu baxımdan, qiymətin satış planına mənfi təsir etdiyini düşünmürəm.” – Hiroki Totoki
Maraqlıdır ki, PlayStation 5 Pro-nu əldə etmək istəyənlər konsolun qıtlığı ilə üzləşməyiblər. Əksinə, VGC-nin məlumatına görə, bəzən satışçılar PS5 Pro-nu öz qiymətindən aşağı satmaq məcburiyyətində qalıblar.
