Electronic Arts, futbol simulyatoru EA Sports FC 25-də məşhur futbolçulardan birinin yenidən oyunçuların ixtiyarına veriləcəyini açıqlayıb.
Argentina futbolunun əfsanəsi Diego Maradona, oyunun siyahısına geri dönür. Onun xüsusi kartı 14 fevralda oyunçular üçün əlçatan olacaq.
Maradona 2022-ci ilə qədər FIFA seriyasında mövcud idi, lakin daha sonra müəllif hüquqları məsələlərinə görə oyundan çıxarılmışdı. Electronic Arts bu problemi həll edərək, futbol əfsanəsini geri qaytarmağa nail olub.
Əfsanəvi futbolçu, EA Sports seriyasındakı “Kumir” (Icon) statusunu alan ilk oyunçulardan biri idi.
EA Sports FC 25 seriyanın yeni buraxılışıdır və real oyun atmosferi ilə futbol həvəskarlarını cəlb etməyi hədəfləyir. Oyunda 19 000-dən çox futbolçu, 700 komanda, 120 stadion və 30-dan çox liqa, o cümlədən UEFA Çempionlar Liqası, İngiltərə Premyer Liqası, Bundesliqa və La Liqa təqdim olunub.
