Dünyanın ən məşhur “battle royale” oyunlarından biri olan PUBG, 2024-cü ildə 680 milyon dollar gəlir əldə edərək tarixi rekord vurub. Bu barədə oyunun yayımçısı olan Cənubi Koreyanın Krafton şirkəti məlumat yayıb.
Bu məbləğ konsol və PC versiyalarının ümumi gəlirini əhatə edir. Mobil versiyanın gəlirləri açıqlanmayıb. Oyunun 2017-ci ilin sonunda yayımlanmasından 7 ildən çox keçsə də, PUBG tarixində ən yüksək gəlirə indi nail olub.
Krafton-un maliyyə rekordu
PUBG Krafton-un əsas gəlir mənbələrindən biri olaraq qalır. 2024-cü ildə şirkətin ümumi gəliri 1,85 milyard dollara çatıb ki, bu da 41,8%-lik artım deməkdir. Operativ mənfəət isə 54% yüksələrək 825 milyon dollara çatıb.
Bu nəticə ilə Krafton həm illik gəlir, həm də operativ mənfəət üzrə yeni rekord müəyyənləşdirib. Şirkət PUBG-yə daha çox sərmayə yatıracağını və bu prosesin “cəsarətli investisiyalar” ilə müşayiət olunacağını bildirib, lakin detalları açıqlamayıb.
Yeni oyun və gələcək planlar
Krafton PUBG-dən əlavə yeni böyük oyun seriyası üzərində işlədiyini elan edib. Bu layihədə PUBG-nin inkişafından əldə edilən təcrübə istifadə olunacaq. Lakin şirkət hələ ki, bu yeni layihə ilə bağlı detalları açıqlamayıb.
Bu arada Netflix, məşhur Devil May Cry oyun seriyası əsasında hazırlanan animenin posterini təqdim edib. Görüntü Netflix-in sosial media hesablarında paylaşılıb.
