“Esports World Cup 2026” təşkilatçıları 24 komandanın iştirak edəcəyi ilin əsas PUBG turnirinin keçirilmə formatını açıqlayıblar. Yarışın yekunlarına əsasən, yalnız ən yaxşı səkkiz kollektiv EWC klub xallarını əldə edəcək.
Qrup Mərhələsi
- 24 komanda bərabər şəkildə üç qrupa bölünüb.
- Hər qrup çərçivəsində 12 oyun keçiriləcək.
- Qrup mərhələsi iyulun 21-dən 23-dək davam edəcək:
- 21 iyul – A və B qruplarının matçları
- 22 iyul – A və C qruplarının matçları
- 23 iyul – B və C qruplarının matçları
Mərhələnin yekunlarına əsasən, ən yaxşı 16 komanda qran-finala vəsiqə qazanacaq, qalan iştirakçılar isə turnirlə vidalaşacaqlar.
Qran-Final və “Match-Point” Qaydası
Qran-finalda 16 komanda mübarizə aparacaq. 12 oyundan sonra “match-point” (matç xalı) həddi müəyyən olunacaq. Bu hədd lider komandanın topladığı xalların üzərinə 10 xal gəlməklə hesablanır.
Lazımi xal həddini toplayan və daha sonra növbəti oyunlardan birində birinci yeri tutan (WWCD alan) komanda turnirin çempionu olacaq. Çempion müəyyənləşdikdən sonra digər yerlər toplanmış ümumi xalların sayına görə bölüşdürüləcək.
Qran-final ümumilikdə 18 oyunu əhatə edəcək və üç gün ərzində – iyulun 24-dən 26-dək keçiriləcək.
