Valorant oyunçuları üçün VCT EMEA Peşəkar Oyunçular Şurası istifadəyə verildi
Riot Games Avropadakı studiyasını yeniləyərək Valorant üzrə VCT 2025 EMEA: Stage 2 turnirinin başlanğıcında “Peşəkar Oyunçular Şurası” adlı yeni təşəbbüsü istifadəyə verdiyini elan edib.
Bu yeni strukturun əsas məqsədi oyunçulara Riot Games şirkətinə birbaşa rəy bildirmək imkanı verməkdir. Hər komanda şuraya bir nümayəndə təyin edəcək və bu sayədə liqanı idarə edən tərəflərlə daha effektiv kommunikasiya qurulacaq. Riot Games qeyd edir ki, Şura liqadakı oyunçuların kollektiv səsi rolunu oynayacaq və inkişaf sahələrinin müəyyənləşdirilməsində iştirak edəcək.
Yeni təşəbbüs çərçivəsində ilk Avropa turniri — VCT 2025 EMEA: Stage 2 — 16 iyul – 31 avqust tarixlərində Almaniyanın Berlin şəhərindəki Riot Games Arenada keçiriləcək. Turnirin ümumi mükafat fondu 250 min dollar təşkil edir və ən yaxşı iki komanda Valorant Champions 2025-ə (Paris, Fransa) vəsiqə qazanacaq.
