EDWard Gaming, LNG və RNG LPL Split 2 2025-də yaşamaq uğrunda mübarizə aparacaq
Çində keçirilən League of Legends üzrə LPL Split 2 2025 turnirinin qrup mərhələsi başa çatıb və komandalar artıq növbəti mərhələlərdə hansı zonalarda yarışacaqlarını bilirlər.
Turnirdə iştirak edən kollektivlər iki əsas mərhələyə – Rumble Stage bölmələrinə ayrılıb. Burada “Ascend” və “Nirvana” adlı iki qrup formalaşıb. “Ascend” qrupunda ən güclü komandalar 9 BO3 seriyasında bir-birilərinə qarşı oynayacaqlar və əsas mükafatlar uğrunda mübarizə aparacaqlar. “Nirvana” qrupu isə turnirdə qalmaq uğrunda yarışacaq və bu komandalar 5 BO3 qarşılaşmada qüvvələrini sınayacaqlar.
Qrup mərhələsinin yekunlarına əsasən, Nirvana qrupunda mübarizə aparacaq və 2025-ci ildə League of Legends səhnəsində qalmaq üçün son şanslarını istifadə edəcək 6 komanda məlumdur:
- EDWard Gaming
- LNG Esports
- LGD Gaming
- Ultra Prime
- Royal Never Give Up (RNG)
- OMG
Bu altılıqdan ən zəif performans göstərən iki komanda LPL 2025 mövsümünü vaxtından əvvəl tərk edəcək.
Digər tərəfdə isə Ascend mərhələsinə yüksələn 10 komanda EWC 2025 və MSI üçün mübarizə aparacaq:
- BiliBili Gaming
- Invictus Gaming
- ThunderTalk Gaming
- TOP Esports
- Weibo Gaming
- Anyone’s Legend
- FunPlus Phoenix
- Team WE
- Ninjas in Pyjamas
- JD Gaming
LPL Split 2 turniri 22 mart – 14 iyun tarixləri arasında keçirilir. Turnirin ümumi mükafat fondu təxminən 350 min ABŞ dollarıdır.
