Bu icmalda 1xBet Azərbaycan-ın kiberidman mütəxəssisləri 2026-cı ilin ilk ayında CS2 və Dota 2 üzrə əsas turnirlərin seçimini hazırlayıb.

Counter-Strike 2

StarLadder Budapest Major 2025-in finalından bir ay keçib – komandalar və oyunçular yaxşı dincəlib, heyətlərdə dəyişikliklər edib və HLTV Awards 2025-də layiqli mükafatlarını alıblar. Gözlənildiyi kimi, mərasimin əsas triumfatoru 7 mükafat qazanan Team Vitality oldu. Komanda ilin ən yaxşı oyunçusu, ilin ən yaxşı məşqçisi və ilin ən yaxşı komandası daxil olmaqla əsas nominasiya mükafatlarını da götürdü. Beş oyunçudan dördü fərdi mükafat aldı və Mathieu “ZywOo” Herbaut həm ən yaxşı snayner, həm də ilin ən yaxşı oyunçusu titulunu qazanaraq iki medal götürdü.

BLAST Bounty Winter 2026

• Tarix: 22-25 yanvar
• Mükafat: $1,150,000
• İştirakçılar: 32 komanda

Yeni mövsümün ilk CS2 turniri olduqca maraqlı Bounty formatında keçiriləcək. Başlanğıc mərhələdə bütün iştirakçılar reytinqə görə iki bərabər qrupa bölünüb və aşağı qrupdakı komandalara yuxarı qrupdan istənilən rəqibi seçmək imkanı verilib. Komandanın reytinqdəki yeri nə qədər yüksəkdirsə, ona qarşı qazanılan qələbənin bounty-mükafatı da bir o qədər böyük olur. Məsələn, lider dördlüyü – FURIA, Falcons, Vitality və Aurora – üzərində qələbənin bounty-si 60,000$ təşkil edir.

İki onlayn çıxış matçından sonra yalnız 8 ən güclü komanda qalacaq və həmin komandalar turnirin LAN mərhələsi üçün Maltaya yollanacaq. Ötən mövsümdə keçirilən hər iki BLAST Bounty turnirinin (Spring 2025 və Fall 2025) qalibi Team Spirit olub, buna görə də məhz onlar əsas favorit sayılır.

Intel Extreme Masters Krakow 2026

• Tarix: 28 января – 8 fevral
• Mükafat: $1,250,000
• İştirakçılar: 24 komanda

Son bir neçə il ərzində Counter-Strike fanatları mövsümün startındakı Polşa turniri olan Intel Extreme Masters Katowice-ə öyrəşmişdi, lakin 2026-cı ildə onu Intel Extreme Masters Krakow əvəz edəcək. Turnirin pley-off mərhələsi ilk dəfə Polşanın keçmiş paytaxtında – TAURON Arenada keçiriləcək və təşkilatçılar artıq tamaşaçılara unudulmaz bir şou söz veriblər.

Turnirə dünyanın 24 ən güclü komandası dəvət alıb. Reytinqin ən güclü səkkizliyi (FURIA, Vitality, Falcons, Spirit, NAVI, MOUZ, FaZe Clan, The MongolZ) mübarizəyə birbaşa qrup mərhələsindən başlayacaq, qalan 16 komanda isə əvvəlcə Play-In raundu çərçivəsində seçmə oynayacaq.

Qeyd edək ki, IEM Krakow The MongolZ-un istedadlı yeni oyunçusu Anarbileg “cobrazera”  Uuganbayar üçün debüt turniri olacaq. Komandanın rəsmi tərəfdaşlarından biri 1xBet brendidir.

Dota 2

CS2-dən fərqli olaraq, Dota 2-də aktiv rəqabətli mövsüm yalnız fevralda başlayacaq. İlk böyük turnirlər BLAST Slam VI (3–15 fevral) və DreamLeague Season 28 (16 fevral – 1 mart) olacaq.

Amma yanvarda Dota 2 fansız da qalmayacaq – azarkeşlər dörd böyük turnirə gedən yol uğrunda aparılan çoxsaylı regional seçmə mərhələrində top komandaların mübarizəsini izləyə biləcəklər.

• BLAST Slam VI: Regional Closed Qualifiers (4-5 yanvar)
• DreamLeague Season 28: Regional Closed Qualifiers (9-11 yanvar)
• ESL One Birmingham 2026: Regional Closed Qualifiers (16-20 yanvar)
• PGL Wallachia Season 7: Regional Closed Qualifiers (26-29 yanvar).

Yeni kiberidman mövsümünün ilk turnirləri və seçmə mərhələri komandalara reşafldan sonra bir-birinə alışmaq və əsas yarışlar başlamazdan əvvəl forma toplamaq imkanı verir, azarkeşlər isə maksimum dərəcədə proqnozlaşdırılması çətin və effekti yüksək matçlar izləyirlər – nəticədə qazanan tərəf hər kəs olur.

Oblivion komandası “Apex Legends Global Series: 2026 Championship” turnirində möhtəşəm qələbə qazanıb. Final mərhələsində kollektiv 86 xal toplamağı bacarıb. Bu çempionluq sayəsində Oblivion 600 min dollar mükafat əldə edib.

Turnirin ən yaxşı oyunçusu (MVP) adına Oblivion komandasından Migel “Blinkzr” Kvayles layiq görülüb. İlk üçlükdə həmçinin Team Falcons və ENTER FORCE.36 komandaları yer alıb.

ALGS: 2026 Championship yanvarın 15-dən 18-dək Yaponiyanın Sapporo şəhərində keçirilib. Turnirin ümumi mükafat fondu 2 milyon dollar təşkil edib.

Esports Charts analitik şirkəti 2025-ci ilin yekunlarına dair kiberidman hesabatını təqdim edib. Tədqiqata əsasən, League of Legends həm baxış saatı, həm də pik izləyici sayına görə dünyanın ən populyar kiberidman intizamı seçilib.

Siyahıda eyni beş oyun yer alsa da, onlar müxtəlif kateqoriyalar üzrə fərqli mövqelər tutublar.

Baxış saatına görə ən populyar 5 oyun:

• League of Legends: 735,5 milyon saat (Efir vaxtı: 8881 saat).
• Counter-Strike: 584,7 milyon saat (Efir vaxtı: 25058 saat).
• Mobile Legends: Bang Bang (MLBB): 433,9 milyon saat (Efir vaxtı: 5339 saat).
• Valorant: 328,6 milyon saat (Efir vaxtı: 8593 saat).
• Dota 2: 321,7 milyon saat (Efir vaxtı: 6520 saat).

Pik izləyici sayına görə ən populyar 5 oyun:

• League of Legends: 6 752 585 nəfər (Worlds turniri zamanı).
• MLBB: 4 132 224 nəfər (MPL ID S15 turniri zamanı).
• Counter-Strike: 1 789 038 nəfər (BLAST.tv Austin Major zamanı).
• Dota 2: 1 785 132 nəfər (The International zamanı).
• Valorant: 1 473 642 nəfər (Valorant Champions zamanı).

Statistikadan görünür ki, CS2 ümumi baxış saatına görə ikinci yerdə olsa da, pik onlayn göstəricisində MLBB-dən geri qalaraq üçüncü pillədə qərarlaşıb. Oxşar vəziyyət Valorant və Dota 2 arasında da müşahidə olunur; belə ki, Dota 2 pik izləyici sayında rəqibini üstələyərək dördüncü olub.

Cənubi Koreyanın Stellar Blade oyunu ilə tanınan Shift Up studiyası qlobal bazarda rəqabətədavamlılığı artırmaq üçün süni intellekt (Sİ) texnologiyalarından geniş istifadə etməyi planlaşdırır.

Shift Up: Çin studiyaları ilə rəqabət üçün Sİ zəruridir

Studiya rəhbəri Kim Hyon Te “İqtisadi Artım Strategiyası 2026” tədbirində çıxış edərək şirkətin gələcək planlarını və qarşılaşdıqları çətinlikləri bölüşüb:

• Qlobal Rəqabət: Şirkətin gəlirlərinin 80 faizi xarici bazarlardan gəlir və ən böyük rəqiblər Çin oyunlarıdır.
• İşçi Qüvvəsi Fərqi: Shift Up bir layihə üçün təxminən 150 nəfər cəlb etdiyi halda, Çində bu rəqəm 1000-2000 nəfər arasında dəyişir.
• Sİ və İş Yerləri: Kim Hyon Te Sİ-nin tətbiqinin iş yerlərinin ixtisarı demək olmadığını, əksinə, mütəxəssis çatışmazlığını aradan qaldırmaq üçün vacib olduğunu vurğulayıb.
• Məqsəd: Yalnız bir işçinin Sİ vasitəsilə yüz nəfərin işini görə bildiyi səviyyəyə çatdıqda Çin və ABŞ kimi böyük insan resurslarına malik ölkələrlə rəqabət aparmaq mümkün olacaq.

Cənubi Koreyanın Mədəniyyət, İdman və Turizm naziri Çxe Hvi Yon da bu mövqeyi dəstəkləyərək, oyun sənayesində süni intellektin inkişafının dövlət üçün əhəmiyyətli bir vəzifə olduğunu bildirib.