StarLadder təşkilatçıları 2025-ci ilin ikinci Major turnirinin final formatını açıqlayıblar. Bildirilib ki, Budapeşt Majorunun finalı tarixdə ilk dəfə olaraq best-of-5 (bo5) formatında oynanılacaq.

Bu, Counter-Strike tarixində bir ilkdir — indiyədək bütün Major final qarşılaşmaları best-of-3 (bo3) formatında keçirilirdi.

Turnir 24 noyabrda start götürəcək və 14 dekabr 2025-ci ildə başa çatacaq.

Valve Counter-Strike 2 üçün yeni və vacib TrueView funksiyasını əlavə edən yeniləmə yayımlayıb. Bu xüsusiyyət, oyun anlarını birbaşa oyunçunun gördüyü kimi izləməyə imkan verir, yəni artıq demolar server baxışı ilə deyil, oyunçunun real perspektivindən göstəriləcək.

Əvvəllər demo faylları yalnız server versiyasını əks etdirirdi və gecikmə (ping) nəzərə alınmadığından, bəzi atışlar boşa getmiş kimi görünürdü. TrueView isə indi klient tərəfli hesablamaları yenidən işlədir, beləliklə, oyunçunun gördüyü səhnə maksimum dəqiqliklə bərpa olunur.

Valve bildirib ki, TrueView həmçinin “zərərin proqnozlaşdırılması” (Damage Prediction) funksiyasını da nəzərə alır — əgər oyunçu demonu yazarkən bu rejim aktiv olubsa. Lakin şirkət qeyd edib ki, tam sinxronluq hər zaman mümkün deyil: bəzi vizual effektlər, məsələn geri tepə, işıq saçması, qan hissəcikləri, prosessor və videokart fərqlərinə görə bir qədər gecikmə ilə görünə bilər.

Standart olaraq, TrueView həmin demo fərqli oyun versiyasında açıldıqda avtomatik söndürülür, lakin onu əl ilə cl_demo_predict 2 əmri ilə aktivləşdirmək mümkündür.

Digər texniki düzəlişlər

Yeniləmə ilə birlikdə Valve bir sıra texniki optimizasiya və səhv düzəlişləri də həyata keçirib:

• Havada sürətlənmə (surf) zamanı hərəkət problemləri aradan qaldırılıb;
• Rampadan qalxma zamanı yanlış sürət aşkarlanması düzəldilib;
• “Delay Sniper Rifle Un-Scope after Shot” funksiyasının davranışı sabitləşdirilib;
• Demolarda üçüncü şəxs baxışında model sıçrayışları və pauzadan sonra zaman atlaması problemi həll olunub;
• G3SG1 silahının bolt animasiyası yenilənib;
• Konsol scrollbar mexanikası təkmilləşdirilib.

Valve əlavə edib ki, bu yeniləmə həm də beta versiyada test edilən hərəkət mexanikası dəyişikliklərini özündə birləşdirir. Şirkət hesab edir ki, TrueView sistemi gələcəkdə replay analitikası və tədris kontenti üçün əsas yeniliklərdən biri olacaq.

Team Vitality IEM Chengdu 2025 turnirinin çıxış mərhələsində Lynn Vision komandasını inamlı şəkildə məğlub edib. Qarşılaşma 2:0 hesabı ilə başa çatıb — Dust2 (13:2) və Nuke (13:5).

Lynn Vision oyunçularından heç birinin Rating 3.0 göstəricisi 1.00-ı keçməyib. Komandanın ən yaxşı oyunçusu EmiliaQAQ olub — onun göstəricisi 0.86 (21 frq, 27 ölüm). Vitality oyunçuları arasında ən məhsuldar çıxışı flameZ göstərib — 1.81 reytinq, 35 frq və 19 ölüm.

Beləliklə, Lynn Vision turniri 9–12-ci yerlərdə başa vurub və 5 000 ABŞ dolları mükafat qazanıb. Dan “apEX” Madeskler rəhbərliyindəki Vitality növbəti mərhələdə Virtus.pro – G2 Esports cütünün qalibi ilə qarşılaşacaq. Bu görüşün qalibi pley-off mərhələsinə vəsiqə qazanacaq. Oyun 5 noyabrda keçiriləcək.

IEM Chengdu 2025 3–9 noyabr tarixlərində Çin, Çendu şəhərində LAN formatında keçirilir. Turnirin ümumi mükafat fondu 300 min ABŞ dollarıdır, və yarışda 16 komanda iştirak edir.

Astralis komandası IEM Chengdu 2025 turnirinin qrup mərhələsində The MongolZ üzərində inamlı qələbə qazanıb. Qarşılaşma 2:0 hesabı ilə başa çatıb — Nuke (13:11) və Inferno (13:8).

Bu qələbə sayəsində Astralis artıq pley-off mərhələsinə vəsiqə qazanıb və növbəti oyunda A qrupunun liderliyi uğrunda mübarizə aparacaq. Komanda 5 noyabr, saat 12:30-da (Moskva vaxtı) Team Falcons – Team Spirit cütünün qalibi ilə qarşılaşacaq.

The MongolZ isə turnirdə çıxışını aşağı setkada davam etdirəcək və növbəti matçını 5 noyabr, 08:30-da, TYLOO – paiN Gaming görüşünün qalibi ilə keçirəcək.

IEM Chengdu 2025 turniri 3–9 noyabr tarixlərində Çin, Çendu şəhərində LAN formatında keçirilir. Yarışda 16 komanda iştirak edir, ümumi mükafat fondu 300 min ABŞ dollarıdır.