NASCAR və əyləncə şirkəti Night yeni NASCAR 25 Creator Series yarış layihəsini elan ediblər. Bu seriya çərçivəsində səkkiz məşhur strimer 100 min ABŞ dolları həcmində mükafat fondu uğrunda virtual yarışlarda mübarizə aparacaq.

İştirakçılar arasında TimTheTatman, CouRageJD, YourRAGE, Emiru, ExtraEmily, Agent00, RayAsianBoy və StableRonaldo yer alır. Yarışlar 29 oktyabr 2025-ci ildə başlayacaq və fevral ayına qədər davam edəcək.

Yarışlar iRacing Studios tərəfindən hazırlanmış NASCAR 25 oyunu üzərindən keçiriləcək və ümumilikdə dörd mərhələdən ibarət olacaq.

NASCAR-ın interaktiv və yeni platformalar üzrə vitse-prezidenti Nik Rend layihə barədə belə deyib:
“NASCAR 25 Creator Series-in məqsədi növbəti nəsil azarkeşləri onlayn sevdikləri simalar vasitəsilə bu idman növünə yaxınlaşdırmaqdır. Ən yaxşı oyun istedadlarını NASCAR-ın yüksək sürətli yarışları ilə birləşdirərək, avtomobil idmanında analoqu olmayan əyləncə platforması yaradırıq.”

YouTube 2025-ci il 17 noyabrdan etibarən onlayn qumar və videooyunlardakı zorakılıq mövzulu kontentə qarşı daha ciddi nəzarət tətbiq edəcəyini açıqlayıb. Yeni qaydalar Counter-Strike 2 (CS2), Call of Duty və Rainbow Six Siege kimi oyunlara aid videolara da təsir göstərə bilər.

Platforma qumar saytlarına və ya dəyərli əşyaların dövriyyədə olduğu servislərə (skinlər, kosmetik obyektlər, NFT-lər) yönləndirən videoları siləcək və ya yaş məhdudiyyəti tətbiq edəcək. Bu xüsusilə Google tərəfindən sertifikatlaşdırılmamış saytlarla əlaqəli videolara şamil ediləcək. Sertifikatı əldə etmək nisbətən asan olduğundan, iri qumar sponsorları fəaliyyətini davam etdirə biləcək.

Bundan əlavə, YouTube realistik zorakılıq səhnələri olan videolara qarşı da məhdudiyyətlər tətbiq edəcək. Əgər bu səhnələr uzunmüddətli və ya videonun əsas hissəsini təşkil edirsə, həmin materiallara yaş məhdudiyyəti qoyulacaq, lakin kanallar cəza (strike) almayacaq.

Kontent yaradıcıları demonetizasiyadan qaçmaq üçün qaydalar qüvvəyə minməzdən əvvəl videolarını redaktə edə və ya bulanıqlaşdırma (blur) effekti əlavə edə bilərlər. Lakin icma nümayəndələri hesab edir ki, bu dəyişikliklər kiberidman matçlarının fraqmentlərinə və sponsorlu kontentə mənfi təsir göstərə bilər, baxış sayını və gəlirləri azalda bilər.

Call of Duty League (CDL) 2026 mövsümü üçün yarış məkanlarını və format dəyişikliklərini təqdim edib. Yeni mövsümdə turnirlər Şimali Amerika və Avropa arasında bölünəcək, ilin sonunda isə ənənəvi Championship Weekend baş tutacaq.

Call of Duty League 2026 tədbir məkanları

• Major 1 — Dallas, Texas (29 yanvar – 1 fevral)
  Mövsüm OpTic Texas komandasının ev sahibliyi ilə start götürəcək.
• Major 2 — Birmingem, Böyük Britaniya (27–29 mart)
  CDL beş ildən sonra ilk dəfə Böyük Britaniyaya qayıdır. Turnir DreamHack Birmingham tədbiri çərçivəsində keçiriləcək.
• Major 3 — Atlanta, Corciya (tarix dəqiqləşdirilməyib)
  Bu mərhələdə Pro-Am formatı tətbiq olunacaq — Challengers komandaları 12 əsas CDL klubu ilə üz-üzə gələcək.
• Major 4 — Paris, Fransa (25–28 iyun)
  Call of Duty: Black Ops 7 mövsümünün sonuncu Major turniri Avropada baş tutacaq.
• CDL Championship Weekend — Las Veqas, Nevada (16–19 iyul)
  Altıncı buraxılış yenidən brend edilmiş FaZe Vegas tərəfindən təşkil olunacaq.

Bundan əlavə, Black Ops 7 ayrıca tədbir kimi Esports World Cup 2026 turnirində, Ər-Riyad (Səudiyyə Ərəbistanı) şəhərində nümayiş olunacaq.

CDL 2026 format dəyişiklikləri

Ən böyük dəyişiklik — Control oyun rejiminin ləğv edilməsidir. Onun yerinə yeni Overload rejimi gəlir. Artıq əsas rejimlər Hardpoint, Search & Destroy və Overload olacaq.

Hər Major mərhələsi onlayn təsnifat mərhələləri ilə başlayacaq:

• Major 1 — 5 həftəlik təsnifat
• Major 2 — 6 həftəlik dairəvi (round-robin) təsnifat
• Major 3 və 4 — hər biri 3 həftəlik təsnifat

İlk dəfə olaraq, Major 2 dairəvi sistemlə keçiriləcək:

• Ən yaxşı 10 komanda Birmingemdəki LAN mərhələsinə yüksələcək.
• İlk 6 komanda əsas pley-off mərhələsinə vəsiqə qazanacaq, qalan 3 komanda isə Play-In oyunları vasitəsilə mübarizəni davam etdirəcək.

Major 3 isə Pro-Am Classic formatını geri gətirir — Major 2 Open turnirinin ilk iki komandası və Şimali Amerika və Avropa Elite Season 3 qalibləri iştirak edəcək.

CDL Challengers 2026

CDL Challengers seriyası tamamilə yenilənib. Hər dörd Major ilə paralel olaraq açıq LAN tədbiri keçiriləcək, həmçinin hər region üçün dörd Elite mövsümü olacaq.

İlk dəfə olaraq Yaxın Şərq regionu da Challengers sisteminə qoşulacaq və Avropa ilə inteqrasiya olunacaq ki, bu da regiondakı oyunçulara beynəlxalq səviyyədə rəqabət imkanı verəcək.

İlk onlayn Challengers Cup 12 dekabr 2025-ci ildə baş tutacaq və bu, amatör komandalar üçün ilk rəsmi yarış olacaq.

Play by Play Studios yeni NBA THE RUN adlı küçə basketboluna həsr olunmuş oyun layihəsini təqdim edib. Oyun 2026-cı ildə PC, PlayStation 5 və Xbox Series X|S platformalarında çıxacaq.

NBA THE RUN oyunçulara dinamik 3×3 matçlar təqdim edəcək. İstər təkbaşına, istərsə də dostlarla birlikdə, oyunçular Knockout turnirlərində yarışa biləcəklər.

Layihədə əsl NBA ulduzları yer alacaq: Yannis Adetokunbo, Lamelo Ball, Stefen Karri, Luka Donçiç, Entoni Edvards və Kuper Flegg kimi oyunçular oyunun əsas simaları arasında olacaq.