Yakutou Brothers klubunun meneceri Van Yakult Hao Weibo sosial şəbəkəsində məlumat verib ki, MOUZ oyunçusu Nikolas “zeal” Lim The International 2025 turnirində komandaya məşqçi kimi qoşulacaq.

Zeal Çin regionunda böyük təcrübəyə malikdir — o, əvvəllər Team Aster və EHOME kollektivlərini təmsil edib. Aktiv offlane oyunçu karyerasını başa vurduqdan sonra o, daha çox striminq və analitik fəaliyyətə diqqət yetirib. Yakutou Brothers ilə əməkdaşlıq isə onun məşqçi kimi ilk təcrübəsi olacaq.

Turnirdə iştirak hüququ

Yakutou Brothers Gaimin Gladiators komandasının turnirdən imtina etməsindən sonra The International 2025-ə birbaşa vəsiqə qazanıb. Boşalan yerə OG də iddia etsə də, təşkilatçılar üstünlüyü Çin kollektivinə veriblər. Avropa təmsilçisi isə bu qərarı dəstəkləyərək, çempionatda regionun təmsil olunmasının vacibliyini vurğulayıb.

Steamcharts.com-un məlumatına görə, məşhur MOBA oyunu Dota 2-də aktivlik əhəmiyyətli dərəcədə artıb. Avqust ayında orta onlayn oyunçu sayı 532,3 min nəfər təşkil edib ki, bu da iyul ayı ilə müqayisədə 24,77% çoxdur.

Hazırkı göstəricilər son altı ilin ən yüksək nəticəsi olub. Əvvəlki rekord 2019-cu ilin may ayında qeydə alınmışdı — o vaxt orta onlayn oyunçu sayı 548,5 min idi.

Pik göstəricilər

Avqust ayında eyni vaxtda oyuna qoşulan maksimum oyunçu sayı isə 818,7 min nəfərə çatıb ki, bu da oyunçuların marağının artdığını göstərir.

Valve şirkətinin layihəsi dörd aydır davamlı artım nümayiş etdirir. Bu müsbət dinamika may ayında başlayaraq, əvvəlki üç aylıq populyarlığın azalmasını əvəz edib.

Telegram kanal OFFSTAGE-in məlumatına görə, peşəkar CS2 oyunçusu Aleksandr s1mple Kostılev Twitch yayımı zamanı The International 2025-in qrup mərhələsi üçün öz proqnozlarını açıqlayıb.

Kibersportçu əmindir ki, Team Spirit qrup mərhələsini heç bir məğlubiyyət olmadan başa vuracaq. Onun fikrincə, pley-off mərhələsinə yüksələcək komandalar bunlardır:

• BetBoom Team
• Team Falcons
• Aurora Gaming
• PARIVISION
• Tundra Esports
• Team Liquid
• Natus Vincere

S1mple həmçinin hesab edir ki, Wildcard Gaming turnirdəki çıxışını 0:4 nəticə ilə başa vuracaq.

The International 2025 Almaniyada 4–14 sentyabr tarixlərində keçiriləcək. Turnirin mükafat fondu artıq 2,3 milyon dollardan çoxdur. Bütün oyunçular yarış başlamadan əvvəl pulsuz kompedium vasitəsilə öz proqnozlarını verə bilərlər.

Team Spirit komandasının dəstək oyunçusu Aleksandr “rue” Filin Dota 2-də mühüm nəticə əldə edib — onun MMR göstəricisi 16 min balı keçib. Bu barədə oyunçu şəxsi Telegram kanalında məlumat verib.

Kiberidmançı profilinin ekran görüntüsünü paylaşıb, amma qəhrəmanlar üzrə detallı statistikanı gizli saxlayıb. Bu nəticə ilə Filin Avropa reytinq cədvəlində 22-ci pillədə qərarlaşıb.

Oyunçu zarafatla uğurunu komanda yoldaşı İlya “Yatoro” Mulyarçukun adına yaradılmış ətirlə əlaqələndirib və flakonun fotosunu “Bunların hamısı onun sayəsində” yazısı ilə paylaşaraq diqqət çəkib.

Aleksandr Filinin növbəti çıxışı The International 2025-də olacaq. Bu, ilin ən böyük Dota 2 turniri hesab olunur və yarış Almaniyada 2,3 milyon dollardan çox mükafat fondu ilə keçiriləcək.

Valve “Dota 2”nin rəsmi saytında bu ilin ən böyük kiberidman hadisəsi – The International 2025 üzrə formatı təqdim edib. Turnir Almaniyanın Hamburq şəhərində keçiriləcək.

Yarış İsveçrə sistemi ilə start götürəcək. 16 komanda oxşar nəticələri olan rəqiblərə qarşı best-of-3 formatında oynayacaq. Üç komanda birbaşa əsas mərhələyə vəsiqə qazanacaq, daha 10 iştirakçı isə əlavə raundda beş yer uğrunda mübarizə aparacaq.

Əsas mərhələ 11–14 sentyabr tarixlərində Barclays Arena-da baş tutacaq. Burada dünyanın ən yaxşı 8 komandası ən azı 2,2 milyon dollarlıq mükafat fondu uğrunda qarşılaşacaq. Təşkilatçılar bildirib ki, həftəsonuna nəzərdə tutulan biletlər artıq satılıb, amma cümə axşamı və cümə gününə hələ də biletlər mövcuddur.

Həmçinin, əsas mərhələnin ilk iki günü iştirakçılar azarkeşlərlə imza-sessiyalarında görüşəcəklər. Valve yaxın zamanda tədbirlərin əlavə detalları, Crimson Witness əşyaları və xüsusi badge-lərlə bağlı açıqlama edəcəyini də vurğulayıb.