Esports Charts statistik portalı BLAST Rivals Fall 2025 turniri üzrə yenilənmiş baxış məlumatlarını təqdim edib.

Final qarşılaşması — FURIA və Team Falcons arasında oynanılan oyun — turnirin ən çox izlənilən matçı olub. Turnirin pik onlayn göstəricisi 1 milyon izləyicini ötüb. İkinci yerdə Team Spirit – Vitality matçı (578 202 izləyici), üçüncü yerdə isə Vitality – Team Falcons qarşılaşması (521 090 izləyici) qərarlaşıb.

16 noyabr 2025-ci ildə, FURIA, gərgin keçən finalda Falcons komandasını 3:1 hesabı ilə məğlub edərək BLAST Rivals Fall 2025 Season 2 çempionu olub. Xəritələrin nəticələri belə olub: Inferno (13:3), Nuke (13:9), Train (19:15) və Mirage (19:16).

Qələbə sayəsində FURIA 125 000 ABŞ dolları və turnir kubokunu qazanıb, eyni zamanda 2025 mövsümündə dördüncü titulunu əldə edib.

Turnir 12–16 noyabr tarixlərində Honkonqda LAN formatında keçirilib. Ümumi mükafat fondu 350 000 ABŞ dolları təşkil edib və bu, StarLadder Budapest Major 2025-dən əvvəlki son böyük turnir olub.

StarLadder Budapest Major 2025 başlamasına bir həftə qalmış, Pick’Ems proqnozlarında iştirakçı sayı üzrə yeni rekord qeydə alınıb.

Turnirin proqnoz bölməsində 20 mindən çox insan iştirak edib — bu, Counter-Strike 2 turnirləri üçün son illərin ən yüksək göstəricisidir. Bu barədə CYBERSHOKE kibersport təşkilatının sahibi və strimer Erik “shoke” Şokov öz Telegram kanalında məlumat verib:

“Pick’Ems-də artıq 20 000 nəfər iştirak edir, halbuki turnirin startına hələ 7 gün qalıb. Bu, bütün zamanların ən böyük marağıdır. Əvvəlki rekordumuz Austin Major-da 62 000 idi, amma bu dəfə 80 000+ olacağını proqnozlaşdırıram. Hazır olun — strimerlər üçün yeni onlayn rekordlar gəlir.”

StarLadder Budapest Major 2025 24 noyabr – 14 dekabr 2025 tarixlərində keçiriləcək və təxminən üç həftə davam edəcək. Turnirdə 32 komanda 1 milyon 250 min ABŞ dolları məbləğində mükafat fondu və əsas kubok uğrunda mübarizə aparacaq.

FURIA qalibiyyət seriyasını davam etdirərək növbəti kubokunu əldə edib — bu dəfə BLAST Rivals Season 2 turnirində. Braziliyalılar Falcons üzərində gərgin keçən final qarşılaşmasında 3:1 hesabı ilə qələbə qazanıblar.

Matçın əvvəlində Falcons inamlı oyun göstərərək ilk xəritədə üstünlük qazandı, lakin FURIA növbəti xəritədə oyunun axarını tam dəyişdi — YEKINDAR bir neçə parlaq raundla rəqib müdafiəsini darmadağın etdi.

Sonrakı qarşılaşmalar isə əsl iradə mübarizəsinə çevrildi. Üçüncü xəritə overtaymlara qədər uzandı və həlledici oldu — məhz burada molodoyun çoxsaylı killi epizodları nəticəni müəyyənləşdirdi. Falcons dördüncü xəritə Mirage-da iki dəfə oyunu əlavə raundlara daşımağa cəhd etsə də, FURIA soyuqqanlılığını qoruyaraq seriyanı bağladı və çempionluğunu rəsmiləşdirdi.

HLTV-nin versiyasına görə turnirin MVP-si m0NESY seçilib. O, finaldakı məğlubiyyətə baxmayaraq, turniri 1.42 reytinqlə tamamlayıb.

14 noyabr 2025-in gecə saatlarında Counter-Strike 2 oyununa kiçik bir texniki yeniləmə əlavə edilib. Yeniləmədə bir neçə oyun səhvi aradan qaldırılıb.

Dəyişikliklərin siyahısı:

• Komanda yoldaşının üstündə dayandıqda bombanı quraşdırmağa imkan verən xəta düzəldilib;
• Quraşdırılmış bomba və atılmış silah üzərində şəffaf brelokların görünməməsinə səbəb olan səhv aradan qaldırılıb;
• StarLadder Budapest Major 2025 sikkəsinin bəzən hesab cədvəlində göstərilməməsi problemi düzəldilib;
• Təkrar baxış zamanı sonsuz gilizlərin düşməsinə səbəb olan xəta aradan qaldırılıb.

Bundan əlavə, StarLadder Budapest Major 2025-ə həsr olunmuş Imperial Esports stikeri yenilənib.

Xatırladaq ki, 13 noyabr gecəsi Valve həmçinin StarLadder Budapest Major 2025 üçün xüsusi yeniləmə buraxmışdı. O, Pick’Em Challenge olan tamaşaçı keçidi, komandaların yeni stikerləri və oyunçu avtoqraflarını əhatə edirdi.

Qrup mərhələsindən sonra BLAST Rivals Season 2 turnirinin pley-off iştirakçıları müəyyənləşib. Komandalar 350 000 ABŞ dolları məbləğində mükafat fondundan pay və 2025-ci ilin son BLAST çempionu titulunu qazanmaq uğrunda mübarizə aparacaq.

Falcons və FURIA qruplarını qalib kimi başa vuraraq birbaşa yarımfinala yüksəlib və indi rəqiblərini gözləyirlər.

• Birinci dörddəbir finalda Passion UA (Ukrayna) paiN Gaming ilə qarşılaşacaq.
• İkinci dörddəbir finalda isə Team Spirit və Team Vitality üz-üzə gələcək.

Qaliblər şənbə günü baş tutacaq yarımfinal oyunlarına vəsiqə qazanacaqlar:

• FURIA — Passion UA / paiN cütünün qalibi ilə,
• Falcons isə Spirit / Vitality qarşılaşmasının qalibi ilə oynayacaq.

Böyük final bazar günü, saat 12:00-da keçiriləcək və BO5 formatında oynanılacaq. Əksər azarkeşlər FURIA və Falcons arasında nəhəng qarşılaşma gözləsə də, ukraynalı Passion UA komandasının sürpriz edib yarımfinala yüksələcəyinə ümidlər böyükdür.