Kibersport təşkilatı Team Liquid Dota 2 komandası üçün iki yeni oyunçunun transferini elan edib. Bu haqda məlumat klubun sosial media hesablarında paylaşılıb. Komandaya Markus “Ace” Højlgaard Kristensen və Erik “tOfu” Engel qoşulublar.

Son illərdə hər iki oyunçu Gaimin Gladiators heyətində çıxış edirdi. Onlar bu komanda ilə The International 2023 və 2024-ün finalına yüksəlmiş, həmçinin Riyadh Masters 2024 də daxil olmaqla bir çox Tier-1 turnirinin qalibi olublar.

Team Liquid-in yenilənmiş Dota 2 heyəti:

• miCKe
• Nisha
• Ace
• boxi
• tOfu

İsveçin Stokholm şəhərində $400 min dollarlıq mükafat fondu olan ESL Pro League Season 22 turniri davam edir. Turnirin pley-off mərhələsinin bütün cütlükləri artıq məlumdur.

1/4 final qarşılaşmaları belə olacaq:

• Team Spirit — FaZe Clan
• NAVI — MOUZ
• Team Falcons — Team 3DMAX
• Team Vitality — FURIA Esports

Matç cədvəli (10 oktyabr):

• Falcons vs 3DMAX — 13:30
• NAVI vs MOUZ — 15:00
• Spirit vs FaZe — 17:30
• Vitality vs FURIA — 20:00

Yarımfinal oyunları 11 oktyabrda saat 17:45 və 21:00, böyük final və üçüncü yer uğrunda görüş isə 12 oktyabrda müvafiq olaraq 19:00 və 15:30-da keçiriləcək.

Natus Vincere komandası The MongolZ üzərində 2:0 hesabı ilə inamlı qələbə qazanaraq ESL Pro League Season 22 turnirində pley-off mərhələsinə vəsiqə qazanıb. Dünyanın ən güclü komandası adını iki həftə ərzində qoruyan monqol kollektiv bu dəfə İsveçdə NAVI-ni məğlub edə bilmədi.

Seriya Nuke xəritəsində başladı, burada NAVI 13:3 hesabı ilə asan qələbə qazandı. İkinci xəritə zamanı The MongolZ fasilə zamanı kompüter arxasında qaldı və bu, nəticə verirmiş kimi görünürdü — onlar 6:1 irəlilədilər. Lakin ukraynalılar oyunun gedişatını dəyişərək ardıcıl doqquz raund qazandılar və oyunu 16:12 hesabı ilə, artıq əlavə raundlarda tamamladılar.

Bu qələbə NAVI üçün xüsusilə vacib idi, çünki komanda əvvəllər Falcons və 3DMAX qarşısında məğlub olmuşdu.

Matçdan sonra İqor “w0nderful” Jdanov təəssüratlarını belə bölüşdü:
“Nuke çox asan keçdi. Düşünmürəm ki, AWP ilə bu qədər rahat oynadığım başqa oyun olub. Hər şey o qədər sadə idi ki, özüm də təəccübləndim – istədiyimi edə bilirdim.”

Analitiklər hesab edirlər ki, The MongolZ-un zəif oyununun əsas səbəbi hazırlıq çatışmazlığı idi. Komandanın oyunçusu Ayuş “mzinho” Batbold bildirib ki, uzun turne seriyasından sonra oyunçular bir həftə ailələri ilə evdə keçirdikləri üçün fiziki və oyun formaları hələ tam bərpa olunmayıb.

ESL Pro League. Qrup mərhələsi. Beşinci tur. 8 oktyabr
The MongolZ – Natus Vincere – 0:2 (3:13, 12:16)

ESL Pro League turniri zamanı Gentle Mates 🇪🇸 və The MongolZ 🇲🇳 komandaları arasında keçirilən CS2 matçında böyük rezonans doğuran hadisə baş verib. Mirage xəritəsində hesab 19:18 olarkən, raundu qazandıqdan sonra Gentle Mates snayperi MartinezSa rəqibini tənqid edərək emosional şəkildə deyib: “Tullanma, Ceki Çan, cəzanı alarsan” — bu sözləri o, “maşında” tullanarkən öldürdüyü Techno4k-a ünvanlayıb.

Hadisə ictimaiyyətdə geniş müzakirələrə səbəb olub.

Rəsmi açıqlama və üzr

Matçdan sonra Gentle Mates rəsmi bəyanat yayıb, The MongolZ komandasından və CS2 icmasından üzr istəyib. Daha sonra MartinezSa da şəxsi bəyanatla çıxış edib:

“The MongolZ ilə son matçımız zamanı dediyim sözlər üçün səmimi üzr istəyirəm. Bu ifadə tamamilə yersiz idi və indi anlayıram ki, bu, başqaları üçün təhqiredici və hörmətsiz səslənə bilərdi.
Mədəni fərqlər səbəbindən bəzi ifadələrin həssas mənasını bəzən dərk etmirdim, lakin bu, bəraət deyil. Mən məsuliyyəti tam üzərimə götürürəm və öz üzərimdə işləyəcəyəm.
Hər cür irqçilik və ayrı-seçkiliyi qəti şəkildə pisləyirəm. Sözlərim mənim kim olduğumu və nəyə inandığımı əks etdirmir.
Hər kəsdən — The MongolZ oyunçularından, komanda yoldaşlarımdan və təşkilatımızdan üzr istəyirəm. Klubun verəcəyi qərarı və sanksiyaları tam qəbul edirəm. Bu hadisə mənim üçün dərs olacaq.”

Reaksiya və ictimai fikir

Gentle Mates təşkilatı əlavə edib ki, “heç bir halda diskriminasiya və hörmətsizlik təzahürlərini qəbul etmir.” Lakin icma fikirlərə bölünüb: bir qrup hadisəni uğursuz zarafat kimi dəyərləndirsə də, digərləri bu cür ifadələrin peşəkar səhnədə yolverilməz olduğunu bildiriblər.