Dünyanın ən böyük kibersport turniri — The International 14 (Dota 2) başa çatdı. Hamburqda keçirilən final mərhələsi milyonlarla dollar uğrunda gərgin mübarizə ilə yadda qaldı.

Qrup mərhələsinin sürprizləri

Turnirin startından sürpriz nəticələr qeydə alındı: favoritlər və mövcud çempionlar erkən mübarizəni dayandırdı, autsayderlər isə yüksək səviyyədə oyun nümayiş etdirdi. Xüsusilə Çin təmsilçiləri — Xtreme Gaming və Tidebound ön plana çıxdı. Nəticədə məhz Xtreme Gaming finala qədər irəlilədi.

Qran-finalda Falcons (Səudiyyə Ərəbistanı) və Xtreme Gaming qarşılaşdı. Falcons-un heyəti belə idi:

• Oliver «Skiter» Lepko
• Stanislav «Malr1ne» Potorak
• Ammar «ATF» Assaf
• Andreas Frank «Cr1t-» Nielsen
• Cinciun «Sneyking» Vu

Komandanın baş məşqçisi isə Curtis «Aui_2000» Ling idi.

Skiter və Sneyking üçün bu, artıq ikinci The International çempionluğudur (birincisi 2022-də Tundra Esports ilə). Aui_2000 isə üçüncü dəfə TI qalibi olur — ilk uğurunu 2015-ci ildə Evil Geniuses ilə qazanmışdı.

Ame üçün dramatik an, Falcons üçün qələbə

Falcons güclü və əmin oyunla titul qazandı. Xtreme Gaming-in lideri Ame üçün isə bu, ardıcıl üçüncü TI finalı idi, lakin o yenə də arzuladığı çempionluğa çata bilmədi.

Turnirdə digər komandalar da yaxşı çıxış etdi: HEROIC (Cənubi Amerika) 5–6-cı, Nigma Galaxy (Avropa) isə 7–8-ci yerdə qərarlaşdı.

TI 2025-in mükafat fondu

• 1-ci yer — Falcons: $1 137 285
• 2-ci yer — Xtreme Gaming: $347 924
• 3-cü yer — PARIVISION: $240 803
• 4-cü yer — BetBoom Team: $160 572

Təşkilatçılar artıq növbəti turniri təsdiqləyib: The International 2026 sentyabrda Şanxayda keçiriləcək.

Dota 2-nin ən böyük turniri olan The International 2025 çərçivəsində ənənəvi kospley müsabiqəsinin nəticələri elan edilib. Qaliblər çempionatın qrand-finalı ərəfəsində təqdim olunub.

Finala çıxan iştirakçılar

Səhnəyə çıxan kospleyerlər arasında:

• Grafomanka — Naga Siren obrazı ilə
• Tanakht — 2,5 metrdən hündürlükdə Axe kostyumu ilə
• Weiren — detallı Juggernaut geyimi ilə

Əsas nominasiyaların qalibləri

• Ən yaxşı detal — Chinbalus (Clockwerk kostyumu, hazırlanması 1 il çəkib)
• Ən yaxşı kraf — Twisted Grace (Lina, işıqlanan saçlarla)
• Ən yaxşı şou — Rehabgnaked (Beastmaster obrazı)

Mükafat fondu və turnir haqqında

Müsabiqənin ümumi mükafat fondu 18,5 min avro təşkil edib. Qeyd edək ki, The International 2025 Almaniyada keçirilir və əsas turnirin mükafat fondu 2,6 milyon dollardan çoxdur. Bu məbləğ oyunçular və azarkeşlər üçün satılan xüsusi oyun daxili əşyalar hesabına artırılır.

OFFSTAGE xəbər verir ki, e-idman təşkilatı Gaimin Gladiators yaxın vaxtlarda Dota 2-də peşəkar fəaliyyəti dayandırmağı planlaşdırır — komanda tezliklə buraxılacaq.

Peşəkar səhnədə fəaliyyətin dayandırılması qərarı daxili münaqişələrdən sonra verilib — təşkilat rəhbərliyi ilə oyunçular arasındakı fikir ayrılıqları 2025-ci ilin The International turnirinə qatılmamağa gətirib çıxarıb.

Komandanın midlaneri Quinn Callahan kollektivdəki vəziyyət barədə əvvəlcə açıqlama verib, amma Gaimin Gladiators-dən hələ rəsmi açıqlama gəlməyib.

4–14 sentyabr tarixlərində Almaniyanın Hamburq şəhərində keçirilən Dota 2 üzrə dünya çempionatı — The International 2025 davam edir. Bu, turnirin tarixdəki 14-cü buraxılışıdır. Tədbirin mükafat fondu 2,3 milyon ABŞ dollarından bir qədər çoxdur və ümumilikdə 16 komanda arasında bölüşdürüləcək.

Pley-offun ilk günü (11 sentyabr)

“Barclays Arena”da start götürən pley-off mərhələsinin ilk oyun günündə aşağıdakı nəticələr qeydə alındı (BO3 formatında):

• Xtreme Gaming – Tundra Esports 2:0
• PARIVISION – HEROIC 2:0
• Team Tidebound – Team Falcons 0:2
• BetBoom Team – Nigma Galaxy 2:1

Yarımfinal cütləri (üst qrup)

• Xtreme Gaming – PARIVISION
• Team Falcons – BetBoom Team

Aşağı qrupun ilk raundu

• Tundra Esports – HEROIC
• Team Tidebound – rəqibi açıqlanacaq

Valve şirkətinin qurucusu və rəhbəri Qeyb Nyuvell Dota 2 üzrə The International 2025 pley-off mərhələsinin başlanğıcında azarkeşlərə xüsusi çıxış edib.

Nyuvell çıxışında 14 il əvvəl Almaniyanın Köln şəhərində keçirilmiş ilk The International turnirini xatırladıb. O, həmin yarışı oyunçuların bacarıqları və fanatların coşğusu ilə unudulmaz adlandırıb.

“Salam, mən Qeyb Nyuvelləm. 14 il əvvəl biz ilk The International-ı Köln şəhərində keçirdik. Mənim üçün bu, möhtəşəm idi – oyunçuların bacarıqlarını və komyunitinin həvəsini görmək inanılmaz bir hiss idi,” – deyə o bildirib.

Şəxsi etiraf

Valve rəhbəri etiraf edib ki, mənfi rəylərə baxmayaraq hər gün Dota 2 oynamağa davam edir. Onu bu illər ərzində ən çox ilhamlandıran isə oyun cəmiyyətinin ehtirası olub.

Turnir haqqında

The International 2025 hazırda Almaniyada keçirilir. Mükafat fondu 2,5 milyon ABŞ dollarından başlayır və iştirakçıların, həmçinin şərhçilərin hazırladığı xüsusi oyun içi əşyaların satışları hesabına artır.