“DracuLan Season 6” turnirinin növbəti oyun günü pley-off mərhələsində bir neçə sensasiyalı nəticə ilə yadda qalıb. Bir neçə dünya nəhəngi yarışla vidalaşmalı olub.
FaZe Clan üçün ağır zərbə
“FaZe” bu gün iki ardıcıl məğlubiyyət yaşayıb. Əvvəlcə Ukraynanın “Passion UA” klubu ilə qarşılaşan komanda, qalib gəlmək üçün yaxşı şansları olsa da, yekunda 1:2 hesabı ilə məğlub olub. Daha sonra “fnatic” ilə üz-üzə gələn “FaZe” 0:2 hesabı ilə uduzaraq həm “DracuLan Season 6″nı tərk edib, həm də “IEM Cologne Major 2026”-ya vəsiqə qazanmaq şansını rəsmən itirib.
Fnatic və digərlərinin vidasi
“fnatic” komandası “FaZe” üzərində inamlı qələbə qazansa da, uğurunu davam etdirə bilməyib. Aşağı torda (lower bracket) “Alliance” kollektivinə 0:2 hesabı ilə məğlub olan Britaniya təmsilçisi də turnirlə vidalaşıb. Həmçinin aşağı torda mübarizə aparan “Eternal Fire” və “Inner Circle” komandaları da rəqiblərinə uduzaraq yarışı dayandırıblar.
Monte-nin yüksəlişi və Passion UA-nın enişi
“Passion UA” “FaZe” üzərindəki qələbədən sonra hazırda əla formada olan “Monte” ilə qarşılaşıb. “Monte” rəqibini 2:0 hesabı ilə inamla üstələyərək “Passion UA”nı aşağı tora göndərib. Bu nəticə Ukrayna təmsilçisi üçün meycer (major) dəvəti qazanmaq yolunda müəyyən problemlər yaradıb.
Digər tərəfdən, “Monte” möhtəşəm oyun nümayiş etdirir. Əvvəlcə “Alliance”ı məğlub edərək “IEM Cologne Major 2026” slotunu təmin edən kollektiv, daha sonra “Passion UA” səddini keçib. İndi komanda turnirin finalına vəsiqə qazanmağa çox yaxındır.
Bu gün keçirilən oyunların nəticəsində FaZe, Inner Circle, HAVU, Eternal Fire, Liquid və fnatic turniri tərk edən komandalar siyahısına daxil olublar.
